२१ माघ २०७९, शनिबार

Feb 4, 2023

तनहुँ । नेपाली कांग्रेसको १४औँ महाधिवेशनअन्तर्गत प्रतिनिधिसभा क्षेत्रीय अधिवेशन तनहुँमा आज हुँदैछ । तनहुँमा दुई प्रतिनिधिसभा निर्वाचन क्षेत्र छ । क्षेत्र नम्बर १ को सदरमुकाम दमौलीमा नयाँ नेतृत्व चयन गर्न मतदान सुरू भइसकेकाे छ । यहाँ नाै सय ५४ मतदाताले पार्टीको नयाँ नेतृत्व चयनमा मतदान गर्ने छन् । 

Advertisement

क्षेत्र नम्बर २ को शुक्लागण्डकी नगरपालिकाको बेलचौतारामा अधिवेशन हुँदैछ । नयाँ नेतृत्व छान्न अबको केही बेरमा मतदान सुरू हुने निर्वाचन अधिकृत केशवराज काफ्लेले बताए । ‘प्राविधिक कारणले केही ढिलाई भएको हो । अबको आधा घण्टाभित्र मतदान सुरू हुनेछ,’ उनले भने । उनका अनुसार यो क्षेत्रमा आठ सय ६१ जना मतदाता छन् । 

वरिष्ठ नेता रामचन्द्र पौडेलको गृह जिल्ला तनहुँमा प्रदेश सभा क्षेत्रीय अधिवेशन र प्रतिनिधिसभा क्षेत्रीय अधिवेशनमा दुई वटा प्यानल मैदानमा होमिएका छन् । संस्थापन देउवा पक्ष निकट केन्द्रीय सदस्य शंकर भण्डारी, ध्रुव वाग्ले, आमन्त्रित केन्द्रीय सदस्य गोविन्द भट्टराई र नेपाली कांग्रेस तनहुँका कार्यवाहक सभापति जितप्रकाश आलेको प्यानल खडा भएको छ । 

केन्द्रीय सदस्य प्रदिप पौडेल र जिल्ला सभापति बैकुण्ठ न्यौपानेको प्यानल पनि चुनावी मैदानमा छ ।  जिल्ला सभापति न्यौपाने र कार्यवाहक सभापति आले वरिष्ठ नेता पौडेलका ‘हार्डलाइनर’ नेता हुन् । तर यी दुवै नेता अधिवेशनको समय फरक प्यानलमा लागेका छन् । संस्थापन देउवा पक्षले वरिष्ठ नेता पौडेललाई गृह जिल्लामै कमजोर सावित गराउन ‘हार्डलाइनर’ नेतालाई विभाजन गरेर प्यानल खडा गरेको हुन सक्ने चर्चा छ ।  प्रदेश सभा क्षेत्रीय अधिवेशनमा प्राप्त मतलाई विश्लेषण गर्दा क्षेत्र नम्बर १ मा पौडेल समूह बलियो देखिन्छ । क्षेत्र नम्बर २ मा भने संस्थापन समूह बलियो ठानिएको छ । तर, अन्तिम मत परिणाम नआउन्जेल यसै भन्न सकिने अवस्था नरहेको नेताहरू बताउँछन् ।

यी हुन उम्मेद्वार
क्षेत्र नम्बर १ को सभापतिमा विश्व बाँस्तोला र श्याम मौरातीबीच प्रतिस्पर्धा हुँदैछ । बाँस्तोला पौडेल निकट नेता भए पनि संस्थापन समूहका नेता हाबी प्यानलबाट मैदानमा उत्रिएका हुन् । मौरातीले पौडेल र न्यौपानेको प्यानलबाट उम्मेदवारी दिएका हुन् । सचिवका उम्मेदवार चुडामणि दाहाल, दयानीधि नराल, तारानरेश पौडेल, राजु बानियाँ छन् । सहसचिवमा अर्जुन अधिकारी, युवराज आले, रविन पौडेल, शैलेश खातीबीच प्रतिस्पर्धा हुनेछ ।

यस्तै, क्षेत्र नम्बर २ को सभापतिमा कृष्णराज पण्डित र चुडामणि खनालको भिडन्त हुँदैछ । खनाल वरिष्ठ नेता पौडेल निकट नेता भनिए पनि भण्डारी, वाग्ले, भट्टराई र आलेको प्यानलबाट उम्मेदवारी दिएका हुन् । पण्डितले पौडेल र न्यौपानेको प्यानलबाट उम्मेदवारी दिएका हुन् । क्षेत्र नम्बर २ को सचिवमा जीवनचन्द्र ठकुरी, पूर्णचन्द्र घिमिरे, प्रेमबहादुर थापा र सन्तोष घिमिरेको उम्मेदवारी परेको छ । सहसचिव पदमा चित्रबहादुर राना, टुकराज श्रेष्ठ, नरसिङ राना र यामबहादुर थापा सारु चुनावी परीक्षामा छन् ।

महाधिवेशन प्रतिनिधिमा मन्त्रीदेखि वडाध्यक्षको उम्मेदवारी 

तनहुँमा कांग्रेसको प्रतिनिधिसभा क्षेत्रीय अधिवेशनमा रोचक भिडन्त त महाधिवेशन प्रतिनिधि पदमा हुँदैछ । यो पदमा मन्त्रीदेखि वडाध्यक्षसम्मका वहालवाला जनप्रतिनिधिको दबदबा छ । संविधानसभा सदस्य, स्थानीय तहका प्रमुख उपप्रमुख महाधिवेशन प्रतिनिधि बन्ने होडमा देखिन्छन् । तसर्थ, पनि पार्टीको आन्तरिक निर्वाचनमै कस्ले बाजी मार्ला ? कसले पराजय भोग्नु पर्ला? भन्ने विषयलाई खुब चासोको साथ हेरिएको छ ।

क्षेत्र नम्बर १ मा महाधिवेशन प्रतिनिधि पदमा दलित खुलातर्फ गण्डकी प्रदेशका विना विभागीय मन्त्री डोबाटे बिक चुवानी मैदानमा छन् । आदिवासी जनजाति महिलामा प्रदेश सभा सदस्य सरिता गुरुङ, व्यास नगरपालिकाका कार्यपालिका सदस्य चन्द्रमाया परियार दलित महिलातर्फबाट महाधिवेशन प्रतिनिधिमा उम्मेदवारी दिएर चुनावी मैदानमा उत्रिएका छन् ।

खस आर्यबाट जिल्ला समन्वय समिति तनहुँका प्रमुख शान्तिरमण वाग्ले, भानु नगरपालिका-१३ का वडाध्यक्ष रामबहादुर बानियाँ, आदिवासी जनजातिमा व्यास नगरपालिका-१३ का वडाध्यक्ष लेखबहादुर राना, अल्पसंख्यकमा व्यास नगरपालिका–१ का वडाध्यक्ष खरसिंह दरै महाधिवेशन प्रतिनिधि पदमा निर्वाचन लड्दैछन् । खुला महिलातर्फ आँबुखैरेनी गाउँपालिकाकी उपाध्यक्ष पुष्पादेवी श्रेष्ठको उम्मेदवारी परेको छ । संविधानसभा सदस्य रामचन्द्र पोखरेल, व्यास नगरपालिकाका प्रमुख बैकुण्ठ न्यौपाने खुल्लातर्फबाट महाधिवेशन प्रतिनिधिको उम्मेदवार हुन् । 

क्षेत्र नम्बर २ मा संविधानसभा सदस्य ध्रुव वाग्ले, झुलबहादुर आले, ऋषिङ गाउँपालिकाका अध्यक्ष राजेन्द्रकृष्ण श्रेष्ठ खुल्लातर्फ महाधिवेशन प्रतिनिधि उम्मेदवार बनेका छन् । म्याग्दे गाउँपालिकाकी अध्यक्ष मायादेवी राना खुला महिलातर्फ, व्यास नगरपालिका-५ का वडाध्यक्ष मोहनकुमार श्रेष्ठ जनजाति पुरुषतर्फ, ऋषिङ गाउँपालिकाकी उपाध्यक्ष गिनुमाया थापा जनजाति महिलातर्फ, म्याग्दे गाउँपालिका कार्यपालिका सदस्य रामकृष्ण विक दलित पुरुषतर्फ, जिल्ला समन्वय समिति सदस्य दिव्यश्वरी विक दलित महिलातर्फ र घिरिङ गाउँपालिका–१ का वडाध्यक्ष गंगाबहादुर कुमाल अल्पसंख्यकतर्फ महाधिवेशन प्रतिनिधि पदमा उम्मेवारी दिएका छन् । 

जिल्ला समन्वय समितिका सदस्य नीलबहादुर थापाले जनजातितर्फबाट महाधिवेशन प्रतिनिधिमा उम्मेदवारी दिएका छन् । म्याग्दे गाउँपालिकाका उपाध्यक्ष बालकृष्ण घिमिरे, शुक्लागण्डकी नगरपालिकाका प्रमुख किसान गुरुङ खुल्लातर्फबाट महाधिवेशन प्रतिनिधिको उम्मेदवार बनेका छन् । 

प्रतिकृया दिनुहोस्

Flash News

संघीयताको मर्म अनुसार काम गर्छु: मुख्यमन्त्री गिरी गुल्मी जिल्ला समाज युकेद्वारा अपाङ्ग असहायहरुलाई सहयोग बुटवलमा उपमहानगरहरुको राष्ट्रिय सम्मेलनको तयारी पुरा अर्थमन्त्री पौडेललाई नगर प्रमुख यादवको ध्यानाकर्षण, रामग्राम स्तुपको गुरुयोजना कार्यान्वयनमा ल्याउने प्रतिवद्धता सामुदायिक विद्यालयमा विद्यार्थी उपस्थिती बढाउन प्रति विद्यार्थी दैनिक दश रुपैयाँ रास्वपालाई गृह मन्त्रालय दिने नदिने वारेमा माओवादीले निर्णय लिदैँ गठबन्धनमा समस्या पछि बिपक्षी दल बोल्न थाले, माधव नेपालले प्रचण्ड सरकारको भविश्यमा प्रश्न उठाए राष्ट्रिय सहमतिबाट मात्र चुनौतीपूर्ण अवस्थालाई अवसरमा बदल्न सकिन्छः प्रधानमन्त्री बिपक्षी दलवाट राष्ट्रियसभा उपाध्यक्ष उम्मेदवार टुंगो लागेन, बैठक भोली पनि बस्ने जनताले महसुस गर्नेगरी स्वास्थ्य क्षेत्रमा सुधार हुनेछः स्वास्थ्य मन्त्री पाल्पामा सडक दुर्घटनामा परी आमा छोराको मृत्यु राष्ट्रियसभा उपाध्यक्ष चयनः बिपक्षी दलको बैठकवाट माधव नेपाल निस्किए प्रधानमन्त्री र एमाले अध्यक्ष ओलीबिच भेटवार्ता, उच्चस्तरीय संयन्त्रको बैठक अझै अनिर्णित लहिया, आइसीपी निर्माणको काम छिटो अगाडि बढाउने अर्थमन्त्री पौडेलको भनाई किसानले तरकारी फालेको घटनाप्रति प्रधानमन्त्रीको ध्यानाकर्षण एक दिन एउटा प्रकाशसँग अर्को दिन अर्को प्रकाशसँग विवाह भएपछि… वडाले जग्गा लिजमा लिएर किसानलाई दिने लुम्बिनी प्रदेश सभाको छैठौं स्थापना दिवस आज मनाइँदै रुपन्देहीमा पूर्वाधार निर्माणसँगै दुर्घटना पनि बढ्यो, तिलोत्तमा सडकमा बढी दुर्घटना पटक-पटक स्थगित दुँदै आएको माओवादी स्थायी समिति बैठक अपरान्ह १ बजे बस्दै