२१ आश्विन २०७९, शुक्रबार

Oct 7, 2022


असोज २६,
गुल्मी । सदरमुकाम तम्घास नजिकै पर्यटकीय गन्तव्य बनाउनको निम्ति निर्माण भएको ट्री–हाउसमा अवलोकनकर्ताको दैनिकजसो बढ्दै गएका छन् । जिल्लाको सदरमुकाम तम्घास नजिकै रहेको रेसुङ्गा नगरपालिकाको वडा नम्बर–७ को उनायचौरमा सल्लाको रुखमा ट्री–हाउस निर्माण गरिएको हो । गएको भदौबाट सञ्चालनमा आएको झण्डै २ महिनाको अवधीमा ट्री–हाउसले जिल्लामा र जिल्ला बाहिर चर्चामा कमाएको छ । सञ्चालनमा आएको केहि दिनबाटै दैनिक १ सय जनाले ट्री–हाउस अबलोकन गर्नको निम्ति पुग्ने गरेका थिए । तर यो संख्यामा हवात्तै बृदि भएको छ । दशैं तिहारको बिदा भएकाले स्कुलहरु पनि बन्द छन् र दशैं तिहार मनाउनको निम्ति बिभिन्न ठाउँबाट आएकाहरुको रोजाईमा ट्री–हाउस बन्न पुगेको छ । दशैंको टिकाको अर्को दिनबाट क्रमश दिनानु दिन अबलोकन गर्नेहरुको संख्यामा बृद्धि हुदै गएको छ । दैनिक १ सयबाट ४ सय ६ सय गरि एकै दिन १२ सयले सम्म अबलोकन गर्ने गरेको स्थानीय एवम् त्यस स्थलको संरक्षण रेखदेख र टिकट व्यवस्थापनको काम गर्दै आएका घनश्याम पन्थी बताए ।

Advertisement

ट्रि हाउस अवलोकनको निम्ति २० रुपैयाँ लिने गरिएको छ । त्यस स्थलको संरक्षण गर्नको निम्ति शुल्क लिने गरिएको समितिले जनाएको छ । बृद्धहरुको निम्ति निःशुल्क र बिद्यार्थीहरुको निम्ति छुटमा १० रुपैयाँ लिने गरेर अवलोकन गर्न पाउने व्यवस्था मिलाइएको छ । ट्री–हाउसमा शनिवार र बिदाको दिन धेरै पर्यटकहरु पुग्ने गरेको स्थानीय एवं त्यस स्थलको संरक्षण रेखदेख गर्दै आएका पन्थीले बताए । पर्यटकीय क्षेत्र बनाउन निर्माण भएको ट्री–हाउस हेर्नको निम्ति बिभिन्न स्थानबाट अबलोकन कर्ताहरुको संख्यामा बृद्धि हुदै गएको रेसुङ्गा नगरपालिका वडा नम्बर ७ का वडा अध्यक्ष मोहनप्रसाद पाण्डेयले बताए ।

नगरले बालकदेखि बृद्धासम्मलाई मनोरञ्जन लिने खालको पार्क र नगरकै उत्कृष्ट गन्तव्य बनाउन गुरु योजना बनाएर अगाडी बढाइने वडा अध्यक्ष पाण्डेयको भनाई छ । केहि रुपमा संरचना पूूरा भएपनि अरु धेरै उत्कृष्ट संरचना तयार गरेर नगरकै उत्कृष्ट घुम्न लाएक स्थल बनाउनको निम्ति काम अगाडी बढि रहेको वडा अध्यक्षले पाण्डेले बताए । प्रदेश नम्बर ५ वन मन्त्रालयको आर्थिक सहयोगमा उनाएचौरमा ट्री–हाउससँगै पर्यटकीय पार्क बनाइएको हो । सल्लाको रुखबाट तम्घास बजारसँगै बिभिन्न स्थानका दृश्य हेर्न सकिने गरि ट्री–हाउस बनाएको छ ।जिल्ला सदरमुकाम तम्घासबाट झण्डै ६ किलोमिटर टाढाको दुरीमा पर्ने स्थलमा सवारीका साधनबाटै पुग्न सकिन्छ । सल्लाको रुखमा फलामको सिडी राखेर ४२ फिट अग्लो रुखमा बनाइएको घरबाट तम्घास बजारसँगै छिमेकी जिल्लाका बिभिन्न स्थलहरु हेर्न सकिन्छ ।


रुखमै निर्माण गरिएको घर यस क्षेत्रकै नयाँ र नौलो खालको घर रहेको अबलोकनका लागि पुगेका हिमाल कुँवरले बताए । उनले सबै पुगेको देखेर आफुपनि हेर्नको निम्ति पुगेको बताए । त्यस स्थल निकै रमाइलो लागेको कुँवरको भनाई छ । यसक्षेत्रमा रमाइलो दृश्य सहित निर्माण गरिएको ट्री–हाउससँगै अरु बिकासको पनि कमी रहेको अबलोकनमा पुगेका कुँवरले बताए । यसक्षेत्रको नयाँ खालको रहेकाले हेर्न आउनेहरुले निकै रमाइलो मानेको अबलोकन गर्न पुगेकाहरु बताउछन् ।

ट्रिहाउस अबलोकनमा लागि पुग्ने गरेकाहरु निकै रमाइलो र अनौठो खालको लागेको बताउने गरेका छन् । उनाएचौरमा रहेको खाली ठूलो चौरमा धेरै वर्ष पहिले बिमानस्थल निर्माणको लागि पनि सम्भाव्यता अध्ययन गरिएको थियो । प्राबिधिक समस्या देखिए पछि सिमीचौरमा निर्माण भइरहेको छ । बिमानस्थल अन्तै बन्ने भएपछि निराश बनेका स्थानीय ट्री–हाउस, खेल मैदान र पर्यटकीय पार्क बनेपछि स्थानीयहरु उत्साहित भएका छन् । त्यस स्थलको अबलोकनमा पुग्नेहरुले गर्दा नजिकै रहेका होटल तथा पसलहरुको व्यवसाय पनि बढेको व्यवसायीहरु बताउछन् । बिभिन्न क्षेत्रको आर्थिक सहयोगमा ट्री–हाउससँगै, पर्यटकीय पार्क बनाउनको निम्ति आर्थिक सहयोगमा बिभिन्न संरचना निर्माण गरिएको छ ।

प्रतिकृया दिनुहोस्

Flash News

गाउँघरमा सुनिन छाड्यो नगराको धुन भेरी नदीमा खतराको तह पार उम्मेदवारी दर्ता गराउनु पर्ने भन्दै कांग्रेसको चियापान स्थगित झाडापखाला, हैंजा र डेंगुबाट बच्न आग्रह नारायणी नदीको बाढी सुस्ता बस्तीमा पस्न सुरु नेपाल प्रहरीका असई भारतीय भूमिमा मृत फेला बारा बस दुर्घटनाः मृतकको संख्या १८ पुग्यो, सबैको सनाखत दशैं मनाउन बुटवल लगाएतबाट गएका गाउँमै रोकिए वर्षाले दाङमा घर भत्कियो अब चन्द्रमामा बिरुवा उब्जनी गर्ने बुटवल-पाल्पा सडक अवरुद्ध, पुर्व-पश्चिम राजमार्ग विद्युत पोल ढलेर रोकियो काठमाडौंको चन्द्रागिरिमा पहिरो : एकै परिवारका तीनजनाको मृत्यु आज पनि लुम्बिनीसहित चार प्रदेशमा भारी वर्षा अम्बानी परिवारलाई मार्ने धम्की दिने व्यक्ति पक्राउ राप्तीको बाढीले तीन सयभन्दा बढी घर डुबायो अक्षर चिन्दै आमाहरु, अब कसैको सहारा लिनु पर्दैैन १६ जनाको मृत्यु , ३३ घाइते भएको बारा बस दुर्घटना: बसको ब्रेक फेल भएपछि चालक हाम फालेका थिए बलात्कार आरोपी प्रहरी निरीक्षकलाई छुटाउन भरत शाहसहित कांग्रेस नेता सक्रिय बारा बस दुर्घटना : मृतक १६ मध्ये १४ को पहिचान खुल्यो (नामावलीसहित) ४० प्रतिशत हिस्सा दिनु पर्ने कोइराला समुहको ठहर