१३ माघ २०७८, बिहीबार

Jan 27, 2022

बुटवल । रुपन्देही प्रहरीले सञ्चारलन गरेको सर्च अप्रेशनका क्रममा कात्तिक महिनाभर १७ जना लागूऔषध प्रयोगकर्ता पक्राउ परेका छन् । जिल्ला प्रहरी कार्यालय रुपन्देही र मातहतका प्रहरी युनिटमार्फत ती अभियुक्तहरू पक्राउ परेका हुन् । पक्राउ पर्नेमा १५ जना पुरुष र दुई जना महिला छन् ।

Advertisement

लागुऔषध नियन्त्रणका लागि रुपन्देही प्रहरीले  सञ्चालन गरेकाे विशेष अभियान जारी छ । पक्राउ परेका अभियुक्तहरूबाट प्रहरीले ४७ ग्राम ५५० मिलिग्राम ब्राउन सुगर, एक सय पाँच ट्याब्लेट नाइट्राजेपाम, ड्राइजेपाम २३, फेनारगन २३, नुफिन १३, टालजेसिक २३ ट्याब्लेट बरामद गरेको छ । त्यस्तै, प्रहरीले एउटा मोटरसाइकल र तीन थान मोबाइल समेत बरामद गरेको छ । 

इलाका प्रहरी कार्यालय मर्चवार रुपन्देही र प्रहरी चौकी गुलरिया रुपन्देहीबाट खटिएको टोलीले रुपन्देहीको मर्चवारी गाउँपालिका-२ मा लु७८प ५६८५ नम्बरको मोटरसाइकललाई शंका लागि चेकजाँच गर्ने क्रममा सम्मरीमाई गाउँपालिका-२ मुडिला बस्ने निरज यादवलाई पक्राउ गरेको छ । उनको साथबाट प्रहरीले लागुऔषध स्पास्मो २२ क्याप्सुल बरामद गरेको छ भने मोटरसाइकल पछाडि सवार मर्चवारी गाउँपालिका- ५ बस्ने राहुल पाण्डेको साथबाट एक सय पाँच ट्याब्लेट नाइट्राजेपाम फेला पारेको छ । दुवै अभियुक्तलाई प्रहरीले जिल्ला अदालतबाट म्याद थपको अनुमति लिएर अनुसन्धान अगाडि बढाएको छ ।

त्यस्तै, इलाका प्रहरी कार्यालय रुद्रपुर रुपन्देहीबाट खटिएको टोलीले जिल्लाको कन्चन गाउँपालिका- ४ बस्ने मोहन सुनार र प्रदिप पुनलाई लागुऔषध सेवन गरिरहेको अवस्थामा पक्राउ गरेको छ । उनीहरूको सूचनाको आधारमा नरेन्द्र दर्जी पनि पक्राउ परेका छन् । प्रहरीले उनको साथबाट नाै सय मिलिग्राम ब्राउनसुगर बरामद गरेको छ ।

इलाका प्रहरी कार्यालय सालझण्डी रुपन्देहीबाट खटिएको टोलीले कञ्चन गाउँपालिका- १ सानो उकाली बस्ने सीमाकुमारी श्रीसलाई पनि लागुऔषधसहित पक्रेको छ । उनको साथबाट तीन ग्राम नी सय मिलिग्राम खैरे हेरोइन बरामद गरेकाे छ । लागुऔषध ब्यूरो शाखा कार्यालय भैरहवाले रुपन्देहीको ओमसतिया गाउँपालिका–४ मा भरतपुर महानगरपालिका – १६ बस्ने दिपेन्द्र सुनार र गैंडाकोट नगरपालिका–१ नवलपरासी बस्ने नकुल बिकलाई पक्राउ गरेको छ । उनीहरूको साथबाट प्रहरीले डाइजेपाम २३, फेनारगन २३, नुफिन १३, टालजेसिक २३ ट्याब्लेट फेला पारी कारवाही थालेको छ ।

इलाका प्रहरी कार्यालय बुटवलबाट खटिएको टोलीले बुटवल उपमहानगरपालिका- ११ पवित्रनगरमा चेकजाँच गर्ने क्रममा रुपन्देहीको तिलोत्तमा नगरपालिका–४ शिवनगर बस्ने शंकर नेपाली, वडा नम्बर ३ बस्ने केशव गिरी र बुटवल–११ बस्ने दिपक नेपालीसहित तीन जनालाई लागुऔषधसहित पक्राउ गरेको छ । उनीहरूको साथबाट प्रहरीले ११ ग्राम ब्राउन सुगर बरामद गरेको छ । 

इलाका प्रहरी कार्यालय बुटवलबाटै खटिएको टोलीले बुटवल–१७ रानीगन्जबाट सोही ठाउँ बस्ने रवि लामालाई पाँच सय मिलिग्राम ब्राउनसुगरसहित पक्राउ गरेको छ । त्यस्तै, बुटवल–२ पाखापानी बस्ने राजु थापा क्षेत्री, बुटवल–११ देवीनगर बस्ने सूर्यप्रसाद ज्ञवालीलाई पनि पक्राउ गरेको छ । उनीहरूको साथबाट एक सय दुई मिलिग्राम ब्राउनसुगर र दुई थान मोबाईल बरामद गरेकाे छ ।  इलाका प्रहरी कार्यालय बुटवलकै टोलीले बुटवल–१४ पदमपुर बस्ने निर्मल भारती, नवलपरासीको प्रतापपुर गाउँपालिका–५ बस्ने मोहम्मद अफ्रोज मिया र बुटवल उपमहानगरपालिका- १ बस्ने सम्झना हलुवाईलाई पक्राउ गरेको छ । उनीहरूको साथबाट २८ ग्राम पाँच सय मिलिग्राम ब्राउनसुगर प्रहरीले बरामद गरेको छ । 

प्रतिकृया दिनुहोस्

Flash News

अनुमतिबिना सार्वजनिक स्थलमा फोटो,भिडियो खिच्न नपाइने तिनाउमा मृत भेटिएकी महिला सैनामैनाकी जित कुमारी घरेलु मैदानमा आर्मीलाई हराउँदै मनाङ फाइनलमा चिकित्सा शिक्षा आयोगका उपाध्यक्ष डा. गिरीमाथि ढुंगा प्रहार बुटवलको कालिकापथ वाइपास सडक : आधा अवधि सकिँदा २० प्रतिशत प्रगति तिलोत्तमाको डिङ्गरनगर र हरिहरपुरलाई जोड्न तिनाउ नदीमा पुल नेपालमा तीन करोड डोज खोप लगाइयो दिल्लीमा सप्ताहन्तको कर्फ्यू र जोरबिजोर व्यवस्था हट्यो थप ८ हजार १७ जनामा कोरोना संक्रमण, १५ जनाको मृत्यु कोरोना संक्रमणबाट मृत्यु हुनेको संख्या तीन पुग्यो काेराेना न्यूनीकरणका लागि जुम्लामा एकीकृत हेल्प डेस्क स्थापना स्थानीय तहको निर्वाचन : आयोग पदाधिकारीपछि कांग्रेसमा छलफल गर्दै प्रधानमन्त्री देउवा मन्त्री रेणु यादवविरुद्ध कारबाही गर्न कांग्रेस नेताको उजुरी सेजमा ‘शक्ति’ प्रर्दशन, कानून पालना गर्न नसके पछि मुद्दा लासमा पनि दलालको नङ्ग्राः एउटै मृतकको १० लाख झ्याम् विपद्का विभिन्न घटनामा परी २४ घण्टामा दुई जनाको मृत्यु, १० जना घाइते मृतकका परिवारलाई साढे चार लाख बीमा रकम जिप दुर्घटनामा दुई जनाको मृत्यु, एक घाइते कोभिड खोप नलगाएको भन्दै अस्पतालद्वारा विरामीको मुटु प्रत्यारोपण गर्न अस्वीकार जोर-विजोर प्रणालीले झन् सास्ती