२ भाद्र २०७९, बिहीबार

Aug 18, 2022

जाजरकोट ।  ७१ वर्षीया धनसरी थापा हरेक पटक सामाजिक सुरक्षा भत्ता बुझ्न नातिको सहरामा नलगाड नगरपालिकाको प्रशासकीय केन्द्र दल्लीस्थित बैंकमा पुग्छिन् । उनलाई घरबाट दल्ली पुग्न दुई दिन लाग्छ । टाढाको वस्तु राम्रोसँग देख्न नसक्ने धनसरी सुरक्षा भत्ता लिन जाँदा आउँदा नै असुरक्षा हुने बताउँछिन् । 

Advertisement

आउदा, जाँदा उनको बाटो खर्चमै करिब चार हजार जति सकिन्छ । यस पटक पनि आधाबाटो हिँडेरै आएको र आधाबाट गाडीमा आएको उनले बताइन । उनले भने, ‘घरघरमै भत्ता दिने व्यवस्था गरेको भए हुन्थ्यो । दुःख ज्यादै दिन्छन् । पहिला पहिला घरमै बुझाउँथे तर बीचमै आधा रकम आफूले खाएर हामीलाइ दिएको पनि थाहा पाऔँ, बैंकले नै घुम्ती सेवा लिएर भत्ता बुझाएको भए कति राम्रो हुन्थ्यो ।’ 

आइतबार विहान भत्ता लिन आएका जेष्ठ नागरिक, एकल महिलाहरूको काम सोमबार पनि पुरा भएन । मंगलबार पनि दिनभर लाग्ने बताएको वृद्धा कुमारी विकले बताइन । उनले भनिन्, ‘छिमेकी जिल्ला रुकुम पश्चिमको आठबीसकोटमा बैंकका कर्मचारी गाउँमै गएर भत्ता दिएका थिए, हामीलाई पनि त्यस्तै गरेको भए राम्रो हुने थियो । आउँदा, जाँदा धेरै दुःख पाइन्छ र पैसा पनि आधा खर्च भइहाल्छ । ’ 

नलगाडको वडा ११, १२ र १३ केन्द्रबाट सबैभन्दा टाढा छन् । डोल्पाको सीमानासँग जोडिएका यि वडामा बसोबास गर्ने सर्वसाधारणलाई पालिका मुकामसम्म आउन र जान दुई दिनभन्दा बढी लाग्छ । सम्बन्धित व्यक्तिबाहेक अरु आए बैंकले रकम भुक्तानी नगर्ने भएकाले आफै रकम लिन आउनु पर्ने हस्त कामीले बताए । जाजरकोट–डोल्पा सडक खण्डको बीचमा पर्ने यि ठाउँहरू दुर्गम मध्यमा पर्छन् । हरेक चार चार महिनामा सामाजिक सुरक्षा भत्ता वितरण हुन्छ । 

नगरपालिकाबाट बितरण हुँदै आएको पोषण भत्ता समेत पुरा नपाएको उनीहरूले बताएका छन् । सधैं पाउनु पर्ने रकमभन्दा एक सय, दुई सय रुपैयाँ कम दिने गरेको उनीहरूको भनाइ छ । त्यस्तै पश्चिम जुनिचाँदे गाउँपालिकाका सर्वसाधारण समेत सदरमुकाम आएर भत्ता बुझ्ने गरेका छन् । 
 

प्रतिकृया दिनुहोस्

Flash News

मौसम : लुम्बिनीका केहि स्थानमा मेघ गर्जनसहित मध्यम वर्षाको सम्भावना कलंकीको खसीबजार हटाउन काठमाडौं महानगरको १५ दिने अल्टिमेटम प्रतिनिधिसभा बैठक : नागरिकता विधेयक संसोधन नगरी आजै पारित गर्ने तयारी यस्ता छन् धरानका मेयर हर्क साम्पाङका १०० दिनका १३ काम काठमाडौंको फोहोर व्यवस्थापनमा चारबुँदे सहमति पशुआहारका लागि गाउँकै उद्योगमा उत्पादन भएको ‘साइलेज’ प्रयोग ‘भारत गौरव पर्यटक रेल’ दोस्रो पटक जनकपुरधाम आउँदै लुम्बिनी प्रादेशिक अस्पतालमा १५० शैय्याको नयाँ भवनबाट प्रसूति सेवा बन्दीलाई कारागारभित्रै अस्पताल मुख्यमन्त्री केजरीवालद्वारा ‘भारतलाई पहिलो बनाऔँ’ अभियान सुरु ‘पत्रकार कुट्ने’ परासीको पाल्हीनन्दन प्रमुखलाई कारवाहीको माग निर्वाचन सुरक्षा योजना बनाउन आयोगको निर्देशन अर्थमा चुक्यो लुम्बिनी सरकार नवलपरासीको विभिन्न स्थानबाट फरार ७ जना प्रतिवादी पक्राउ दार्चुलामा जीप दुर्घटना : पाँच जनाको मृत्यु, छ घाइते लुम्बिनी फोटो ग्राफर संघको सप्ताहव्यापी कार्यक्रम , ५० जनाले गरे रक्तदान लुम्बिनी सरकारले आफ्नाे सेवा सुविधा वृद्धिका लागि खुलायाे बाटाे, थप नियुक्तिका लागि अनुसूची हेरफेर चार महिनामा विपद्का घटनाले लियो १५७ जनाको ज्यान, ८५ करोडभन्दा बढीको आर्थिक क्षति लुम्बिनी अस्पतालको टेण्डर घोटाला : कागजातसहित ७ दिन भित्र उपस्थित हुन प्राधिकरणलाई निर्देशन कपिलबस्तुको सिद्धार्थ रिसोर्टमा तीज विशेष कार्यक्रम हुने, सहभागीलाई पुरस्कार !