२९ श्रावण २०७९, आईतवार

Aug 14, 2022

बुटवल । लुम्बिनीसँग जोडिएका रुपन्देही, कपिलवस्तु र नवलपरासीका चार नगरपालिकाले स्पेनको काथेरेस नगरपालिका, काथेरेस प्रादेशिक सरकार संस्कृति पर्यटन नथा खेलकुद मन्त्रालयसँग भगिनी सम्बन्ध कायम गरेका छन् ।

Advertisement

बुद्ध जन्मस्थल लुम्बिनी सांस्कृतिक नगरपालिका र मावली क्षेत्र देवदह नगरपालिका, कपिलवस्तु नगरपालिका र रामग्राम नगरपालिकाबीच कपिलवस्तुको प्राचीन तिलौराकोट दरबार क्षेत्रमा भगिनी सम्बन्ध स्थापनाका लागि समझदारी पत्रमा हस्ताक्षर गरिएको हो । यसको अगुवाइ राष्ट्रियसभाका अध्यक्ष गणेशप्रसाद तिमिल्सिनाले गरेका थिए ।

बुद्धले २९ वर्ष बिताएको प्राचीन तिलौराकोट दरबार क्षेत्रमा राष्ट्रिय सभाका अध्यक्ष तिमिल्सिना र स्पेनको काथेरेस प्रादेशिक सरकारका प्रतिनिधिहरूको रोहवरमा दुवै देशका स्थानीय तहका प्रमुख तथा प्रतिनिधिहरूबीच सहमतिपत्रमा हस्ताक्षर भएको हो ।

सहमति पत्रमा लुम्बिनी सांस्कृतिक नगरपालिकाका प्रमुख मनमोहन चौधरी, देवदह नगरपालिकाका प्रमुख हिराबहादुर खत्री, कपिलवस्तु नगरपालिकाका प्रमुख किरण सिंह र रामग्राम नगरपालिकाका प्रमुख नरेन्द्रकुमार गुप्ताले हस्ताक्षर गरेका हुन् । त्यसैगरी स्पेन सरकारको काथेरेस नगरपालिकाका प्रमुख, काथेरेस प्रदेश सरकारका प्रतिनिधिहरूले सहमतिपत्रमा हस्ताक्षर गरेका छन् ।

राष्ट्रिय सभाका अध्यक्ष तिमिल्सिनाले भगिनी सम्बन्ध बिस्तारले स्पेन र नेपालबीचको सम्बन्ध थप सुमधुर हुने बताए । उनले दुवै देशबीच आपसी सम्बन्ध बढाउँदै विकास निर्माणको क्षेत्रमा समेत फड्को मार्नका लागि भगिनी सम्बन्धलाई उपयोग गर्न सकिने बताए ।

स्पेनस्थित लुम्बिनी गार्डेन फाउन्डेसनको पहलमा भगिनी सम्बन्ध स्थापनाका लागि प्रयास सुरु भएको हो । संसारभर अहिंसा, शान्ति, सद्भाव र भाइचाराको सन्देश प्रवाह गर्ने शान्तिका अग्रदूत गौतमबुद्धको भूमिमा आएर बुद्ध नगरहरूसँग भगिनी सम्बन्ध राख्ने कार्यको शुभारम्भ गर्न पाउँदा आफूहरू निकै खुसी भएको काथेरेस नगरका प्रमुख, प्रदेश सरकारका प्रतिनिधिहरूले बताएका छन् ।

स्पेनका काथेरेस नगरपालिकाका प्रमुख तथा प्रतिनिधि र प्रदेश सरकारको प्रमुख तथा प्रतिनिधिहरूले शाक्यमुनि बुद्धका पिता राजा शुद्धोधनको प्राचीन राजदरबार क्षेत्र, सम्राट् अशोकले स्थापना गरेको अशोक स्तम्भलगायतका बौद्धकालीन स्थलहरूको अवलोकन गरेका थिए ।

स्पेनको काथेरेस नगरसँग भगिनी सम्बन्ध स्थापनाको सहमतिपत्रका हस्ताक्षर हुँदै गर्दा यहाँका बौद्धस्थल आसपासका क्षेत्रमा विकासको फड्को मार्न सकिनेमा कपिलवस्तु, रुपन्देही र नवलपरासीका नगर प्रमुखहरू आशावादी बनेका छन् ।

प्रतिकृया दिनुहोस्

Flash News

गणपूरक संख्या नपुगेपछि दोस्रो पटक पनि संसद बैठक स्थगित प्रचण्ड-बाबुरामबीच एउटै चुनाव चिन्हमा लड्ने सहमति एमालेले अर्थमन्त्री शर्मालाई स्वीकार्‍यो विद्यालयमा बहुउपयोगी शैक्षिक सामग्री र दृश्टिविहिन विद्यार्थीहरुलाई भोजन पहिरोले एक्स्काभेटर पुर्दा चालकको घटनास्थलमै मृत्यु रोट्रयाक्ट क्लब अफ बुटबल रामापिथेकसको अध्यक्षमा घिमिरे कर्णाली प्रदेशका उद्योगमन्त्री शाहीले लिए सपथ विवेकशील साझा पार्टी पुनर्गठन गर्ने मिलन पाण्डेको घोषणा कहिले पुग्छ कर्णालीका विद्यार्थीको हातमा पाठ्यपुस्तक ? बुटवलमा नेपाल रक्तदाता संघको केन्द्रिय कार्यालय उद्घाटन ‘मिस्टर एन्ड मिस थारु’ प्रतियोगितामा ५१ प्रतिस्पर्धी लमजुङमा एक वर्षमा २० वर्ष नपुग्दै एक सय ५५ जना आमा दागबत्ती दिन पाँच लाख माग गठबन्धन कर र डर दुवै हो: रामचन्द्र पौडेल भेन्टिलेटरमा रहेका राजु श्रीवास्तवलाई सुनाइँदैछ अमिताभको अडियो ट्रयाक्टर दुर्घटना हुँदा एक जनाको मृत्यु पौडी खेल्ने क्रममा डुबेर २६ वर्षीय निराजन पोख्रेलको मृत्यु शिक्षकका लागि राखेको पानी पिएको आरोपमा कुटिएका दलित विद्यार्थीको मृत्यु प्रवासमा रहेका नेपाली राप्रपाको एजेन्डाप्रति आकर्षित छन् : राजेन्द्र लिङ्देन महिला कैदीबन्दीलाई सेनेटरी प्याड सहयोग