४ जेष्ठ २०७९, बुधबार

May 18, 2022

खानेपानीको हाहाकार

बैतडी । बैतडी सदरमुकाममा गएको १० दिनदेखि खानेपानीको हाहाकार भएको छ । खानेपानी अभाव भएपछि जिल्ला सदरमुकामबासी नजिकका धारा तथा कुवामा पानी खोज्न भौँतारिन थालेकाछन् । 

Advertisement

साहिलेकका व्यापारी चेतराज पाण्डेयले जसको नजिक जतापर्छ त्यतै जान गरेको बताए । ‘नजिक पानीका कुनै पनि धारा कुवा छैनन् । गाडीमा पनि कम्तीमा एक घण्टा लाग्ने ठाउँमा पानी पाइन्छ । तै पनि पर्याप्त पानी भने कतै पाइँदैन । सवारी साधन भएकाहरू साधनमा ल्याउँछन् । नभएकाहरू पिठ्युँमा बोक्दै ल्याउँछन्,’उनले भने। 

गत साता परेको अविरल वर्षाका कारण खसेको पहिरोले खानेपानीको मुहानमा क्षति पुर्‍याएपछि सदरमुकाम क्षेत्रमा खानेपानीको हाहाकार भएको हो । 

सदरमुकामबाट झण्डै ६ किलोमिटर टाढा रहेको माडखोला मुहानमा पहिरो खसेपछि सदरमुकाममा आउने खानेपानी अवरुद्ध भएको हो । मुहानसहित पाइप लाइनमा समेत पहिरोले क्षति पुर्‍याएको बैतडी नगर खानेपानी उपभोक्ता तथा सरसफाइ संस्थाका अध्यक्ष कर्णबहादुर चन्दले बताए । उनले भने, ‘पहिरोले खानेपानीको संरचनामा व्यापक क्षति पुर्‍याएकाले खानेपानी सुचारु गर्न समस्या भएको छ । हामीले खानेपानी सञ्चालनका लागि पहल गरिरहेका छौं ।’

सदरमुकाम क्षेत्रमा खानेपानी अवरुद्ध भएपछि सबैभन्दा बढी मारमा होटेल व्यवसायी परेका छन् । पानी नहुँदा होटेल व्यवसाय सञ्चालनमा निकै समस्या भएको व्यवसायी अम्बादत्त भट्टले बताए । ‘होटेलमा आउने ग्राहकलाई पानी दिन सकिएको छैन । यसले गर्दा व्यवसाय सञ्चालनमै समस्या भएको छ,’ उनले भने ।

सदरमुकाम क्षेत्रमा खानेपानीको आपूर्ति बन्द भएपछि एक हजार बढी उपभोक्ता प्रत्यक्ष मारमा परेका छन् । खानेपानीको अभाव हुँदा सदरमुकामको शाहीलेक, गढी र गोठलापानीका बासिन्दा मारमा परेका हुन् । पानी अभावले शौचालयसमेत प्रयोग गर्न मुस्किल भएको नागरिक समाज बैतडीका संयोजक गणेश ठकुराठीले बताए । 

हाहाकार भएपछि नेपाली सेनाले खानेपानी वितरण गरेको छ । हनुमान ध्वज गुल्मले गुल्ममा रहेको पानी गढीका स्थानीय तथा होटेल व्यवसायीलाई वितरण गरेको गुल्मपति खिलबहादुर रानाले बताए । गढीमा रहेका सरकारी कार्यालयलाई पनि खानेपानी वितरण गरिएको उनले बताए । सेनाले जिल्ला प्रहरी कार्यालय, सशस्त्र प्रहरी बल, जिल्ला कारागार, जिल्ला प्रशासनलगायत स्थानीय र व्यवसायीलाई पानी सहयोग गरिरहेको हो । -सीपी लोहिया/न्यूज कारखाना

प्रतिकृया दिनुहोस्

Flash News

२२ घण्टादेखि रोकिएको पाँचपोखरीकाे मतगणना अझै सुरु हुन सकेन बुटवलका १९ वडामध्य १२ वडाको मतपरिणाम सार्वजनिक, कुन वडा कस्ले जिते? यस्ताे छ डडेल्धुराका सातवटै स्थानीय तहको अन्तिम मत परिणाम ४१० स्थानीय तहको नतिजा सार्वजनिक, कुन पार्टीको कति स्थानमा अग्रता ? देवदहमा गठबन्धनलाई पछि पार्दै एमाले : मेयर, उपमेयर दुबैमा अग्रता नवलपरासीको सरावल अध्यक्ष र उपाध्यक्षमा एमाले विजयी बुटवलमा पाण्डेको साढे ४ हजार मतले अग्रता, उप-प्रमुखमा सावित्रा अघि शुद्धोधनमा गठबन्धन दल कांग्रेसबाट बस्याल विजयी, उप प्रमुखमा एमालेकी ज्ञवाली भरतपुरमा गठबन्धनकी रेनु दाहालको अग्रता, मतान्तर फराकिलो बनाउँदै चुनावलगत्तै सार्वजनिक यातायातको भाडापनि बढ्याे, आजदेखि नयाँ दर लागू काठमाण्डौंमा बालेनको अग्रता कायमै, स्थापितभन्दा करिब दोब्बरले अघि गैंडाकोट नगरपालिकाको मेयर र उपमेयरमा कांग्रेस उम्मेदवार निर्वाचित बालेन र सुनिता हजारौं मतले अगाडि रुपन्देहीको कञ्चनमा कांग्रेसका ढकाल विजयी उम्मेदवारको मृत्युपछि स्थगित तुलसीपुर उपमहानगर-१७ मा मँगलबार मतदान सम्पन्न लुम्बिनीको घोराही उपमहानगरमा एमालेको अग्रता कायमै, ४०११ को मतान्तर रुपन्देहीका ६ वटै नगर उपप्रमुखमा एमाले उम्मेदवार अगाडि रुपन्देहीमा यु-१४ क्रिकेट लिग सुरु : उद्घाटनमा भैरहवा र सैनामैना विजयी बुटवल–६ मा नेपाली कांग्रेसको प्यानल विजयी विजय जुलुसमा सहभागी गाडी पल्टियो