२१ मंसिर २०७८, मंगलवार

Dec 7, 2021

कर्णाली । आइतबार साँझदेखिको अविरल वर्षात्का कारण आएको बाढीपहिरामा परी कर्णालीमा हालसम्म आठ जनाको मृत्यु भएको छ । प्रदेश प्रहरी कार्यालय सुर्खेतका अनुसार बाढी-पहिरामा परी मृत्यु हुनेमा हुम्लाको खार्पुनाथ गाउँपालिका-४ खर्पेलगाउँका एकै परिवारका छ जना, जुम्ला र कालीकोटका एक/एक रहेका छन् ।

Advertisement

प्रदेश प्रहरी कार्यालय प्रवक्ता प्रहरी उपरीक्षक माधवप्रसाद श्रेष्ठले बाढीपहिराबाट तीन जना घाइते भएको र एक जनाको सकुशल उद्धार गरिएको जानकारी दिए । घाइते हुनेमा कालीकोट रास्कोट नगरपालिका-८ पलातीवाडाका ६३ वर्षीय नन्दु न्यौपाने र उनकी १३ वर्षीया छोरी बाचु न्यौपाने रहेका छन् । गोठबाट घर जाने क्रममा पहिरामा परी घाइते हुनुभएका उनीहरूका रास्कोट अस्पतालमा उपचार भइरहेको छ । सुर्खेतको पञ्चपुरी नगरपालिका–११ स्थित कुइनेमा कर्णाली नदीले बगाएका सोही ठाउँका ४८ वर्षीय गङ्गाप्रसाद जैशीको आज सकुशल उद्धार गरिएको छ । चार किमी तल नदी किनारमा फेला परेका जैसी बाबियौचारमा उपचारपछि घर फर्किएको प्रहरीले जनायो ।

त्यस्तै अविरलको वर्षात्ले बाढी–पहिराका कारण जोखिममा रहेका ३०० बढी नागरिकलाई सुरक्षित स्थानतर्फ सारिएको छ । कर्णाली नदीको बहाव बढेपछि जोखिममा रहेका पश्चिम सुर्खेतको चौकुने गाउँपालिका-४ झालाका ११ घरधुरीका ७९ जना परिवारलाई शिवालय माध्यमिक विद्यालयमा सारिएको प्रदेश प्रहरीले जनाएको छ । प्रहरीका अनुसार कालीकोटको राम्नी बस्तीका २५० जनालाई स्थानीय विद्यालय र स्वास्थ्यचौकीमा सारिएको छ । दैलेखको रामघाट बजार डुबानमा परेको छ । आठबीस नगरपालिका-१ मा अवस्थित उक्त बजारमा कर्णाली नदी पसेपछि स्थानीयवासीको सहयोगमा प्रहरीले २२ घरधुरीलाई सुरक्षित स्थानमा स्थानान्तरण गरेको हो ।

बेमौसमी बाढीले जुम्ला, दैलेख र सुर्खेतमा धानबालीमा ठूलो क्षति पुर्याएको छ । प्रदेश प्रहरी कार्यालयका अनुसार बाढी–पहिराबाट कालीकोट, जुम्ला र मुगुमा गरी सात गाई/गोरु र १३१ भेडाबाख्रा मरेका छन् । जुम्लामा मार्सी धानको खेतबारी नै तिला नदीले कटान गरेको छ ।

बाढीले बगाएका एक जनाको सकुशल उद्वार

कर्णाली नदीको बाढीमा बगेका एक जनाको सकुशल उद्वार गरिएको छ । पश्चिम सुर्खेतका पञ्चपुरी नगरपालिका–११ स्थित कुइनेमा कर्णाली नदीले बगाएका सोही ठाउँका ४८ वर्षीय गङ्गाप्रसाद जैशीको सकुशल उद्धार गरिएको प्रहरीले जनाएको छ ।

सुर्खेतको कुइनेबाट कैलाली जोड्ने निर्माणाधीन पक्की पुलका चौकीदार रहेका जैसीलाई आज बिहान झण्डै चार किमी टाढा बाढीले बगाएको थियो । प्रदेश प्रहरी कार्यालयका प्रहरी प्रवक्ता माधवप्रसाद श्रेष्ठले बाढीले बगाएका सामान व्यवस्थापन गर्ने क्रममा उनलाई बगाएको बताए ।

बाढीले बगाएर बेपत्ता बनाएपछि अस्थायी प्रहरी चौकी तातापानीबाट छ जना प्रहरी टोली उद्धारका लागि खटिएको थियो । “प्रहरी र स्थानीयवासीले खोजतलास गर्दा चार किमी तल झ्याङझ्याङ्गे भन्ने स्थानमा फेला पर्नुभयो, बाबियाचौरस्थित मेडिकलमा उपचारपछि उहाँ अहिले घर फर्कनुभएको छ”, प्रहरी प्रवक्ता श्रेष्ठले भने । रासस

प्रतिकृया दिनुहोस्

Flash News

‘नो लालपुर्जा, नो भोट’ भन्दै रत्ननगरमा सुकुम्बासीको प्रदर्शन प्रधानन्यायाधीश जबरालाई महाअभियोग लगाउन केपी ओलीलाई बारको ज्ञापनपत्र यसवर्ष ढोरपाटनमा चुके सिकारी बुटवलको दीप बोर्डिङ्ग स्कूलमा ‘दीप स्वाट’ सैनामैनामा कर्मचारी संगठनको नयाँ नेतृत्व रुपन्देहीमा ‘ओमिक्रोन’ भित्रिन नदिन उच्च सतर्कता काँग्रेस केन्द्रिय सदस्यमा लुम्बिनीका ऊर्जा, जलस्रोत मन्त्री रानाको उमेद्वारी झापामा वर्षमा आठ सय बढी हराउँछन्, मान्छे हराउँदा आधा मात्र भेटिन्छन् राष्ट्रियसभा निर्वाचन कार्यतालिका : २० पुसमा मनोनयन, ५ दिनपछि अन्तिम नामावली, ६ घण्टा मतदान सभापतिको साझा उम्मेदवार चयन गर्न चाक्सीबारीमा पौडेल-कोइराला समूहको बैठक सुरु इन्डोनेसियामा ज्वालामुखी विस्फोटमा परी ३४ को मृत्यु सीमा नाकामा ओमिक्रोनको त्रास : भारतबाट भित्रिनेहरू विशेष निगरानीमा ओमिक्राेन बिरामीले भरिए अस्पताल मालीमा भएको आतङ्कवादी हमलाको संयुक्त राष्ट्रसंघको सुरक्षा परिषदद्वारा निन्दा राप्रपालाई ज्ञानेन्द्र शाहको भजनमण्डली बनाउन दिन्नँ : कमल थापा तीन जोनका लागि रु पाँच करोड विनियोजन न्यानो घर निर्माणमा आर्थिक अभाव कमल थापालाई पार्टी फुटाउन पाथीभारा देवीको कसम बाधक ! कांग्रेस महाधिवेशन : १३ पदाधिकारीसहित एक सय ३४ जना निर्वाचनबाट चुनिँदै नारायणी नदी तटबन्धनका लागि पाँच अर्ब जुटाइँदै, भरतपुर महानगरको सक्रियता