कर्मचारी मिलन केन्द्र अर्घाखाँचीको अध्यक्षमा खनाल

अर्घाखाँची । कर्मचारी मिलन केन्द्र अर्घाखाँचीको अध्यक्षमा सहायक प्रमुख अधिकारी विनोद खनाल सर्वसम्मत चयन भएका छन् । बुधवार सन्धिखर्कमा सम्पन्न साधारण सभाले खनाललाई अध्यक्षमा सर्वसम्मत चयन गरेको हो । वि.सं. २०७१ सालमा निजामती सेवाको नासु पदबाट सेवा प्रवेश गरेका खनाल २०७४ सालमै शाखा अधिकृत भएका हुन् ।

खनालले कर्मचारीहरुको सरसल्लाह र सुझावलाई ध्यानमा राखि रचनात्मक कार्यसम्पादन गर्ने प्रतिवद्धता व्यक्त गरे । यस्तै, साधारण सभाले उपाध्यक्षमा नारायण पोख्रेल, महिला उपाध्यक्षमा सृजना भुसाल सचिवमा गणेश राज पौडेल, सहसचिवमा निराजन शर्मा, कोषाअध्यक्षमा हरिषचन्द्र पान्डे र सदस्यहरुमा राजन पान्डे, उर्मिला केसी, कमल आचार्य, हरि डुम्रे, राजिब पन्थी तथा रवी अर्याल धर्मेन्द्र भिट्टालाई सर्बसम्मत चयन गरेको छ।