३० श्रावण २०७९, सोमबार

Aug 15, 2022

काठमाडौँ । पोखरामा आयोजना हुने ‘ए’ डिभिजन राष्ट्रिय फुटसल लिग खेल्ने तयारीमा रहेको रुपन्देहीको लुम्बिनी फुटसल प्रालिले अल्फा बिटा थिटा र चाइना ट्रेडलिङक प्रालि (लिनिङ)को साथ पाएको छ ।अमेरिकाको टेक्सास सहरमा केन्द्रीय कार्यालय रहेको आइटी कम्पनी अल्फा बिटा थिटा मुख्य प्रायोजक र विश्वस्तरीय खेल पोशाक उत्पादक कम्पनी लिनिङ प्रायोजकका रुपमा लुम्बिनीसँग जोडिएका हुन् । सम्झौतामा लुम्बिनी फुटसल प्रालिका प्रज्वल श्रेष्ठले अल्फा बिटा थिटाका कार्यकारी निर्देशक मिजेस श्रेष्ठ र लिनिङका बजार व्यवस्थापक कृतराज महर्जनले आज हस्ताक्षर गरे ।

Advertisement

सम्झौतानुसार अल्फा बिटा थिटाले लुम्बिनीलाई रु चार लाख प्रदान गर्नेछ । लुम्बिनीले लिगमा अल्फा बिटाको प्रतीक चिह्नाङ्कित जर्सी लगाउने छ । यस्तै लिनिङले लुम्बिनी फुटसललाई रु दुई लाख बराबरको जर्सीलगायत खेल पोशाक उपलब्ध गराउने छ । पोखराको बहुद्देश्यीय कभर्ड हलमा उक्त लिग आगामी असोज २ गतेदेखि सञ्चालन हुनेछ । लिगमा १० टोलीले प्रतिस्पर्धा गर्नेछन् ।

महिला फुटबल टोली उज्वेकिस्तानमा

एएफसी वुमन एशियन कप, २०२२ छनोट प्रतियोगिताका लागि नेपाली राष्ट्रिय महिला फुटबल टोली उज्वेकिस्तान पुगेको छ । नेपाली टोली टर्कीको इस्तानबुल हुँदै उज्वेकिस्तानको तास्कन्द पुगेको हो । तास्कन्दमा नेपाली टोलीको पिसिआर परीक्षणका लागि स्वाब सङ्कलन गरिएको छ । परीक्षण रिपोर्ट नआउँदासम्म नेपाली टोली होटलमै आइसोलेशनमा बस्ने छ । टोलीका मुख्य प्रशिक्षकमा ग्यारी फिलिप्स रहेका छन् ।

नेपाल समूह ‘एफ’मा छ । सो समूहमा फिलिपिन्स र हङकङ छन् । नेपालले फिलिपिन्ससँग आगामी असोज २ गते तथा असोज ५ गते हङकङसित खेल्नेछ । सो समूहको फिलिपिन्स र हङकङबीचको खेल असोज ८ गते हुनेछ । समूहको शीर्ष टोलीले अर्को वर्ष भारतमा हुने एशियन कप खेल्नेछ । नेपाली टोलीमा अञ्जना राना मगर, अञ्जिला सुब्बा, उषा नाथ, अमृता जैशी, अनिता बस्नेत, अनिता केसी, विमला विक, विमला चौधरी र दीपा राई छन् । यस्तै टोलीमा गीता राना, हीरा भुजेल, इन्द्रा राई, मञ्जली योञ्जन, निशा थोकर, प्रीति राई, पूजा राना, रजनी थोकर, रश्मि घिसिङ, रेनुका नगरकोटी, सविता राना, सरु लिम्बू र सिर्जना सिंह रहेका छन् । -रासस

प्रतिकृया दिनुहोस्

Flash News

लुम्बिनी सरकारको आम्दानीः तलब भत्ता समेत पुग्दैन, कर्मचारी पाल्न ‘अरुको भर’ फलफूल र तरकारीको मूल्य : सबैभन्दा सस्तो सेतो मुला, महंगो किवी शुद्धोधन ३ मा सुकुम्बासी जग्गा नापजाँच सुरु २४ वर्षीया पुष्पा बुढाथोकी १ महिनादेखि सम्पर्कबिहीन भ्रष्टाचार र वंशवाद भारतका दुई शत्रु: माेदी साउनको अन्तिम सोमबार देवघाटमा भक्तजनको घुइँचो (फाेटाेफिचर) राप्रपा नेपालको केन्द्रिय समिती बैठक शुरु, प्रतिवेदनहरु प्रस्तुत हुदैँ कम्युनिष्ट पार्टी भन्ने बित्तिकै जनता डराउने अवस्था आयोः मन्त्री चौधरी मध्य भोटेकोशी जलविद्युत अझै १ करोड ५४ लाख रुपैयाँ नोक्सानमा श्रावणको अन्तिम सोमबार : शिवालयमा भक्तजनको भीड रुस्दीमाथि छुरा प्रहारः चुकिल लगाएर कोठाभित्रै बस्छन् आक्रमणकारीका बाबु कमल थापाले गरे राष्ट्रपति भण्डारीको निर्णयलाई स्वागत माओवादी स्थायी कमिटी बैठक दिउँसो १ बजे बस्दै ७५औँ स्वतन्त्रता दिवस मनाउँदै भारत रुपन्देहीमा अज्ञात समुहको गोली प्रहारबाट बिकास गुरुङ घाइते नागरिकता विधेयक : यस्तो छ अबको संसदीय प्रक्रिया बुटवलको सडकको अवस्थाः जनसरोकारको बिषय बुटवलमा आज बिहानैदेखि ७ घण्टा विद्युत अवरुद्ध हुने विवेकशील साझाको अध्यक्षमा समीक्षा बास्कोटा स्थानीयको बस्ती व्यवस्थापनपछि मात्रै बुटवलको तिनाउ-दानव करिडोर अघि बढ्छ : पौडेल