२१ आश्विन २०७९, शुक्रबार

Oct 7, 2022

बुटवल । राष्ट्रिय युवा संघ लुम्बिनी प्रदेश कमिटीले प्रदेशका सबै जिल्लामा विशेष अभियान सञ्चालन गर्ने भएको छ । प्रदेश कमिटीको आयोजनामा लुम्बिनी प्रदेशमा वृहत भेला गर्ने, प्रदेश स्तरको विस्तारित भेलाको आयोजना गर्ने, सबै जिल्ला कमिटी र मातहतका पालिकाहरुमा युवा संघका कार्यकर्ता भेला हुने भएका छन् ।

Advertisement

राष्ट्रिय युवा संघ नेपालको लुम्बिनी प्रदेश कमिटीको बुटवलमा बसेको प्रथम पूर्ण बैठकले संगठन सदृढिकरण र विस्तारका अभियानलाई एकसाथ सञ्चालन गर्ने निर्णय गरेको लुम्बिनी प्रदेश कमिटी अध्यक्ष तुलबहादुर अधिकारीले जानकारी दिए । लुम्बिनीका १२ वटै जिल्लाका अध्यक्षहरु, जिल्लाबाट केन्द्रीय कमिटीमा प्रतिनिधित्व गर्ने केन्द्रीय सदस्यहरु र प्रतिनिधि सहभागी रहेको बैठकले संगठन सुदृढिकरण, विस्तार र प्रशिक्षणका अभियान सञ्चालन गर्ने निर्णय गरेको अध्यक्ष अधिकारीले बताए ।

यसैगरी युवा संघले बाँकेमा बृहत्त युवा भेलाको आयोजना गर्नुका साथै बुटवलमा प्रदेशको सचिवालय स्थापना गर्ने भएको छ । भेलाको तयारी लगायतका कामका लागि बुटवलमा केन्द्रीय स्तरको सचिवालय र बाँकेमा समेत प्रचार-प्रसार कार्यालय स्थापना गर्ने निर्णय गरेको केन्द्रीय उपाध्यक्ष तथा लुम्बिनी इन्चार्ज सुमन पुरीले जानकारी दिए । यस्तै युवा संघका जिल्ला स्तरका भेलाहरु आगामी असोज पहिलो सातासम्ममा गर्नेलगायतका निर्णय गरेको छ ।

संघको बैठकमा सहभागी नेकपा एमालेका स्थायी समितिका सदस्य तथा युवा नेता टोपबहादुर रायमाझीले पार्टीका विरुद्ध फैलाउन खोजिएका भ्रम, षड्यन्त्र र अनेक प्रकारका तिगडमलाई परास्त गर्न युवा संघले विशेष अभियान सञ्चालन गर्नुपर्ने बताए । युवाहरुलाई रचनात्मक, सिर्जनात्मक र उत्पादनमूलक काममा लगाउन जरुरी रहेको उल्लेख गर्दै नेता रायमाझीले उक्त कामको अगुवाई राष्ट्रिय युवा संघ नेपालले गर्नुपर्ने बताए । ‘युवा संघको अगुवाईमा निर्माणको, रचनात्मक कामको, उत्पादनमूलक कामको, समाज सुधारको र अनेक प्रकारका वेथितिका विरुद्ध भण्डाफोरको समेत अभियान चलाउनुपर्ने छ ।’-नेता रायमाझीले भने ।

एमाले लुम्बिनी प्रदेश कमिटीका अध्यक्ष लिला गिरीले परिवर्तनका आन्दोलनको नेतृत्व गरेको युवा पंक्तिले अब निर्माण र रुपान्तरणको आन्दोलनको पनि नेतृत्व गर्ने बेला आएको बताए । विकृति, विसंगति र अनेक प्रकारका बेथितिमा फसेका युवाहरुलाई सुधार्नका लागि युवा संघमा आवद्ध गराउनुपर्ने र तिनीहरुसमेतको सहकार्यमा समृद्धिको अभियान सञ्चालन गर्न सकिने नेता गिरीको भनाइ थियो । राष्ट्रिय युवा संघ नेपालका केन्द्रीय अध्यक्ष किरण पौडेलले कार्यतालिका नै बनाएर देशव्यापी अभियानको तयारी भएको भन्दै युवाहरुलाई राष्ट्रिय युवा संघमा गोलबद्ध गराउन मातहतका कमिटीहरुलाई आग्रह गरे ।

प्रतिकृया दिनुहोस्

Flash News

निरन्तर वर्षा, बाढी र पहिरो : सतर्क बनौं, सुरक्षित हौं फिफा वरीयतामा नेपालको सुधार गाउँघरमा सुनिन छाड्यो नगराको धुन भेरी नदीमा खतराको तह पार उम्मेदवारी दर्ता गराउनु पर्ने भन्दै कांग्रेसको चियापान स्थगित झाडापखाला, हैंजा र डेंगुबाट बच्न आग्रह नारायणी नदीको बाढी सुस्ता बस्तीमा पस्न सुरु नेपाल प्रहरीका असई भारतीय भूमिमा मृत फेला बारा बस दुर्घटनाः मृतकको संख्या १८ पुग्यो, सबैको सनाखत दशैं मनाउन बुटवल लगाएतबाट गएका गाउँमै रोकिए वर्षाले दाङमा घर भत्कियो अब चन्द्रमामा बिरुवा उब्जनी गर्ने बुटवल-पाल्पा सडक अवरुद्ध, पुर्व-पश्चिम राजमार्ग विद्युत पोल ढलेर रोकियो काठमाडौंको चन्द्रागिरिमा पहिरो : एकै परिवारका तीनजनाको मृत्यु आज पनि लुम्बिनीसहित चार प्रदेशमा भारी वर्षा अम्बानी परिवारलाई मार्ने धम्की दिने व्यक्ति पक्राउ राप्तीको बाढीले तीन सयभन्दा बढी घर डुबायो अक्षर चिन्दै आमाहरु, अब कसैको सहारा लिनु पर्दैैन १६ जनाको मृत्यु , ३३ घाइते भएको बारा बस दुर्घटना: बसको ब्रेक फेल भएपछि चालक हाम फालेका थिए बलात्कार आरोपी प्रहरी निरीक्षकलाई छुटाउन भरत शाहसहित कांग्रेस नेता सक्रिय