२० आश्विन २०७९, बिहीबार

Oct 6, 2022

खाँदबारी । सङ्खुवासभाको मादी नगरपालिका वडा न। १ उम्लिङका तेजबहादुर कार्की सहित छ जनाको हत्या भएको पाँच दिन बितिसकेको छ । उता स्थानीय बासिन्दा भने घटनाबारे केही निस्कर्ष आउन नसकेपछि त्रसिद बनेका छन् ।

Advertisement

बौदमानका केही छिमेकीहरु डरले घर समेत सर्न थालेको स्थानीय शिक्षक तेजबहादुर बस्नेतले बताए । बौदमानका छिमकी घर सरेर उम्लिङ स्कूल नजिकै गएकोे उनले जानकारी दिए । अपराधी पत्ता नलागेसम्म गाउँलेहरुमा डर हुने साँझको समयमा दिसापिसाब गर्न बाहिर निस्कन डराउने उनको भनाई छ । उनले अपराधी चाँडै पत्ता लाग्छन् भन्ने कुरामा आफुसँगै गाउँलेहरुले आशा गरेको बताए । तेजबहादुर उम्लिङ स्कुलका शिक्षक थिए । एकै परिवारका यति ठुलो सङ्ख्यामा हत्या भएपछि डरले बस्न नसक्ने भएर छिमेकीले घर सरेको हुन सक्ने उनको बुझाई छ ।

स्थानीयले एकै परिवारका छ जनाको हत्या योजनावद्ध तरिकाले भएको हुनसक्ने अनुमान गरेका छन् । योजनावद्ध नभएको भए यतिका ठूलो सङ्ख्यामा हत्या हुँदा घटनाथलमा केही साना तथ्य फेला पर्नसक्ने स्थानीयले आशंका गरेका छन् ।

कसरी हत्याभयो भन्ने अझै खुलेन

अनुसन्धानका क्रममा फेला परेको शव र प्रत्येक शवको प्रकृतिलाई नियालेर हेर्दा सवैको टाउकोमा चोट देखिएको भए पनि अझै पनि कुन हतियारको प्रयोग भयो भन्नेमा स्पष्ट रुपमा खुल्न सकेको छैन । धारीलोे हतियार प्रयोग गरी हत्या गरिएको भनिए पनि स्थानीय र प्रत्यक्षदर्शीले धारिलो हतियार नभई ढुङ्गा, चिर्पट हम्मरको प्रयोग गरेर हत्या गरेको हुन सक्ने आंकलन गरेका छन् । तर अहिलेसम्म हत्यामा प्रयोग भएका कुनै बस्तु फेला नपरेकोले घटना झनै रहस्यमय बन्दै गएको स्थानीयले बताएका छन् ।

घटनास्थलमा प्रहरीले निरन्तर अनुसन्धान फराकिलो पारेपनि अहिलेसम्म कुनैपनि तत्थ फेला नपरेको प्रहरीले बताएका छन् । घटना भएको चार दिन वितिसकेको छ । अनुसन्धान निरन्तर अगाडि बढीरहेको छ । निरन्तर अनुसन्धानमा जुटिरहँदा पनि घटना स्थलमा हत्यामा संलग्न भएको कुनै बस्तुहरु फेला नपरेको प्रहरीले बताएको छ । प्रहरीले विभिन्न कोणबाट अनुसन्धान गरिरहेको छ ।

ठूलो संख्यामा प्रहरी परिचालन

उक्त रहस्यमय घटना अनुसन्धानको लागि सङ्खुवासभा प्रहरीको टोली, नेपाल प्रहरी केन्द्रीय अनुसन्धान ब्युरो ९सिआइबी० प्रदेश १ प्रहरी कार्यालय विराटनगर, संघिय इकाई प्रहरी कार्यालय धरान र प्रदेश १ प्रहरी प्रमुख डीआइजी अरुणकुमार बीसीको समेतको चार टोलीले घटना अनुसधान अघि बढाउदै अपराधीको खोजी गरिरहेको छ । स्थानीयहरुसँग सोधपुछ गर्दै आएपनि निस्कर्ष भने आउन नसकेको प्रहरी अधिकारी बताउँछन् । घटनास्थलमा ४० भन्दा बढी प्रहरी परिचालन गरिएको जनाइएको छ ।

घटनास्थलमा तालिम प्राप्त कुकुरबाट अनुसन्धन भए पनि निरन्तर वर्षाका कारणले धेरै प्रमाण नष्ट भएकाले हत्यारा पत्ता लाग्न नसकेको प्रहरीको तर्क छ । मादी नगरपालिका वडा न। १ उम्लिङ स्थित खोलागाउँका बौदमान कार्कीको श्रीमती ८४ वर्षिय पार्वता काकी, बुहारी ५२ वर्षिय कमला कार्की र नातीनी बुहारी ३२ वर्षिय रञ्जना कार्की, ११ वर्षिय नाती दिपेन कार्की र ७ वर्षिय नातीनी गोमा कार्की सोमबार एकै दिन मृत अवस्थामा फेला परेको थियो ।उक्त घटना भएको चार दिन वितिसक्दा पनि कुनै तत्थ फेला नपरेको भन्दै स्थानीय र आफन्तले हत्या योजनावद्ध भएको आशंका गरेका हुन् ।

भाग्दाभाग्दै मारिएको आशंका

घटना अनुसन्धानका क्रममा घरभन्दा करिब एक सय मिटर पर सडकको भित्तामा फेला परेको तेजबहादुरको शवको प्रकृति हेर्दा कोखामा रड प्रहार गरेको जस्तो प्वाल देखिएको र भित्ता मास्तिर उनको फोन भेटिएकोले भाग्दा भाग्दै मारिएको जस्तो अवस्थामा रहेकोे थियो । त्यस्तै ५२ वर्षीय कमला र ३२ वर्षीय रञ्जना कार्कीको टाउकोमा चोट भएकाले उहाँहरुलाई ढु्ङ्गा र चिर्पट, हम्मर प्रयोग गरि हत्या गरेको हुनसक्ने त्यस्तै ११ वर्षिय दिपेन कार्कीको टाउकोमा चोट देखिएको र ७ वर्षीय गोमा कार्कीको मुन्टो बटारेर मारिएको जस्तो अवस्थामा शव फेला परेको र ८४ वर्षिय पार्वता कार्कीलाई कुँडो पकाउँदा पकाउँदै मारिएको जस्तो अवस्थामा शव फेला परेको प्रत्यक्षदर्शी, स्थानीय, जनप्रतिनिधि लगायत प्रहरीले अनुमान गरेका छन् ।

तेजबहादुर मात्रै नभई सवैलाई लखेट्दै मारेको हुुन सक्ने आशकां गरिएको छ । उक्त दिन तेजबहादुरले धान गोड्ने खेताला बोलाएकाले उनी विहानै घरबाट निस्किएर खेततिर हिँडेकोे हुन सक्ने प्रहरीले अनुमान गरेको छ । तेजबहादुरको खुट्टामा गमबुट पनि भेटिएको थियो । हत्यारा खोल्सिमा लुकेर बसेको अवस्थाबाट तेजबहादुरलाई आक्रमण गरेको हुनसक्ने प्रहरीले अनुमान गरेको बताइएको छ । तेजबहादुरमाथि आक्रमण भएको देखेपछि सवै तेजबहादुरलाई बचाउन जाँदा अन्यको पनि हत्या गरेको हुनसक्ने आशंका गरिएको छ । भने छरछिमेकी कसैले पनि चिच्याएको अथवा होहल्ला गरेको नसुनेको स्थानीय बताउँछन् । तर छिमेकीले घटना भएको सोमबार थाहा पाएका थिए।

घरका सवैजना आईतबार साँझ खाना खाएर सुतेको घटनाबाट बाँच्न सफल बौदमान काकीै बताए । विहान उठ्दा घरमा कोहि नभएकोले सवैजना काममा गएहोला सोचे तर उनकी श्रीमती पार्वता कार्की लडिरहेको अवस्थामा देखेको उनको भनाइ छ । पार्वतलाई मुर्छा पर्ने विराम रहेकाले बौदमानले त्यहि होला सोचेर ओछ्यानतिरै फर्केको बताए । त्यहि वेला भतिजो आइपुगेर पार्वता लाई घरभित्र खाटमा लगेर सुताएको बौदमानले बताए । तर उनले घटना कति वेला भयोयो केहि थाहा नभएको बताए । बौदमान आखाँ नदेख्ने र हल्का कान सुन्न नसक्ने अवस्थाका छन् । साथै सो परिवारको कसै छरछिमेकीसँग पनि दुस्मनी नरहेको सुनाउँछन् ।

डाका गर्न आएकाहरुले हत्या गरेको हुनसक्ने आशंका गरेपनि घटनापछि घरको खानतलासी गर्ने क्रममा नगद र जिन्सी भेटाएकोले रिसइबीका कारण हत्या गरेको हुन सक्ने प्रहरीले बताएको छ । हत्या चिनजानकै व्यक्तिबाट भएको हुनसक्ने प्रहरीको वुझाई छ । हत्याको मुख्य प्रमाणको रुपमा हेरिने ‘पोष्टमार्टम रिपोर्ट’ को पर्खाइमा रहेको छ । ज्यान गुमाएका छ जनाको पोष्टमार्टम विपि कोइराला स्वास्थ्य विज्ञान प्रतिष्ठान धरानमा गरिएको थियो । पोष्टमार्टम पछि बुधबार साँझ इटहरी स्थित बूढीगंगा जमुनाघमटमा दाहसँस्कार गरिएको छ । अन्तिम सँस्कारका लागि तेजकहादुर कार्कीका कान्छा छोरा रमेश कार्की दुवैबाट आइ पुगेका छन् ।-गोरखापत्र

प्रतिकृया दिनुहोस्

Flash News

कसरी जुराइन्छ समुद्री आँधीको नाम ? आज पनि टीका लगाइँदै आजको मौसम: सुदूरपश्चिम, कर्णाली, लुम्बिनी र गण्डकी प्रदेशमा धेरै वर्षा हुने सन्दीप लामिछाने आज बिहान १० बजे काठमाडौँ आइपुग्ने रुपन्देहीकी युवा नेतृ २१ वर्षीया झरना चौधरीको दुर्घटनामा मृत्यु गुल्मीको मुसीकोटस्थित दरबार कोटको मेला (तस्वीरमा ) राम बन्न डराएका थिए प्रभास दशैं मनाउन मामाघर हिँडेका अर्घाखाँचीका १० वर्षीय समिरलाई खोलाले बगायो इन्टरनेट जडान गर्ने क्रममा २४ वर्षीय निलमको मृत्यु जीपको ठक्करबाट श्रीमानको मृत्यु, श्रीमती घाइते नेपाल थाइल्यान्डसंग पराजित तीन वर्षपछि टीका लगाउन पाउँदा कैदीबन्दी खुसी राष्ट्रपतिले लगाइदिइन् सर्वसाधारणलाई टीका आधुनिक घट्टले खुड्खुडीमा फेरियाे दैनिकी मिसाइल प्रक्षेपण असफल भएकोमा दक्षिण कोरियाले माग्यो माफी हिमपहिरोमा परी चार जनाको मृत्यु जसपाका केन्द्रदेखि नगरसम्मका नेताले गरे सामुहिक राजीनामा मांसाहारीबाट शाकाहारी बनेका यी हुन् बलिउड अभिनेता-अभिनेत्री नातिनीको स्याहार पाउने १०१ वर्षीय भाग्यमानी बाजे ! मधेशमा महिला हिंसा : घटनाकाे ग्राफ बढे पनि उजुरी बढेन