१६ असार २०७९, बिहीबार

Jun 30, 2022

बुटवल । सत्तारुढ दल नेपाली कांग्रेसमा चुनावी चहलपहल बढेको छ । पार्टीको आसन्न १४ औं महाधिवेशन नजिँकिएसँगै देशभर चुनावी सरगर्मी बढेको हो । कांग्रेसको केन्द्रीय निर्वाचन कार्यतालिका अनुसार देशभर यही भदौं १८ गते वडाको अधिवेशन हुन लागेको छ । अधिवेशन नजिँकिएसँगै नेता तथा कार्यकर्ताहरु राजधानी लगाएतका ठाउँबाट गृह जिल्लामा फर्कने क्रम बढेको छ ।

Advertisement

यस्तै, नेपाली कांग्रेस रुपन्देहीमा पनि चहलपहल बढेको छ । ५ संघीय, १० प्रदेश निर्वाचन क्षेत्र, १६ स्थानीय तह र १५५ वडा रहेको रुपन्देहीमा कांग्रेसका नेता तथा कार्यकर्ता उत्साहित छन् । केन्द्रीयस्तरका नेताले आफ्ना कार्यकर्तासँगको भेटघाट र छलफल बाक्लिन थालेको छ । पटक-पटक सर्दै आएको महाधिवेशन यसपाली हुने पक्कापक्की भएपछि रौनक थपिएको रुपन्देहीका युवा नेता विष्णु पोखरेल बताउँछन् ।

कांग्रेसको भातृ संगठन नेपाल विद्यार्थी संघका नेता–कार्यकर्ताहरु पनि हौसिएका छन् । विद्यार्थी नेताहरु पनि जागरुक हुन थालेको विद्यार्थी नेता सुरज क्षेत्री बताउँछन् । वडा अधिवेशन सुरु हुन २ दिन बाँकी रहँदा चुनावमा भिड्न आकांक्षी नेता तथा कार्यकर्ताहरु आन्तरिक बैठक, छलफल र भेलामा जुटेका छन् । पूर्वनिर्धारित कार्यतालिका अनुसार १८ गते हुने वडाको अधिवेशनबाट चुनिने नेतृत्वसँगै पालिका, प्रदेश र जिल्ला अधिवेशनमा भाग लिन पाउने प्रतिनिधिसमेत छनोट हुनेछन् ।

केन्द्रले पठाएका जिल्ला मुख्य निर्वाचन अधिकृत भेषराज घिमिरे रुपन्देही आईसकेका छन् । निर्वाचनको लागि चाहिने आवश्यक सामग्रीसहित रुपन्देहीका आएका घिमिरेले महाधिवेशनको आवश्यक तयारी सुरु गरिसकेका छन् । उनले प्रत्येक वडामा निर्वाचन अधिकृत खटाईने तयारी भइरहेको बताए । निर्वाचन समितिले स्थानीय स्तरमा सहकार्य गरि अधिवेशन गर्ने र १८ गते सम्पन्न हुन नसकेका स्थानमा सहमतिमा अर्को दिन पनि निर्वाचन हुन सक्ने उनको भनाई छ ।

हरेक वडामा हुने अधिवेशनका लागि सहमतिमा सर्वसम्मत् नेतृत्व चयनको लागि प्रयास हुने र सहमति नभएमा चुनावबाट चुन्ने गरी निर्वाचन समितिले तयारी गरेको छ । कांग्रेस रुपन्देहीका सभापति अब्दुल रज्जाकले पार्टीको तर्फबाट सम्बन्धित तहका नेता, कार्यकर्तालाई जानकारी गराउने काम भइसकेको बताउँछन् । उनले पार्टी केन्द्रबाट क्रियाशील सदस्यता टुङ्गिएर आइसकेको र मुख्य निर्वाचन अधिकृतले वडामा परिचालन हुने शिक्षकलाई आवश्यक प्रशिक्षण र सहजीकरण गरिसकेको जानकारी दिए । उनले आवश्यक सामग्रीसहित सबै वडामा निर्वाचन टोली परिचालन गर्ने बतारी भइरहेको बताए ।

रुपन्देहीमा नेपाली कांग्रेसका क्रियाशील सदस्यहरुको संख्या करीब २२ हजार रहेको छ । पार्टी केन्द्रले सार्वजनिक गरेको क्रियाशील सदस्यको विवरण अनुसार, रुपन्देहीमा पुराना नवीकरण भएका ११ हजार र नयाँ थप भएका ११ हजार गरि करिब २२ हजार क्रियाशील सदस्य रहेको नेपाली कांग्रेस रुपन्देहीका सचिव रामकृष्ण खाँणले जानकारी दिए ।

पालिका, प्रदेश निर्वाचन क्षेत्र र जिल्ला अधिवेशनका लागि वडाबाट चुनिने प्रतिनिधि नै निर्णायक हुने भएकाले यतिबेला वडास्तरमा व्यापक बहस र छलफलले व्यापकता पाएको छ ।

वडा महाधिवेशन संघारमा प्रशिक्षण
नेपाली कांग्रेस रुपन्देहीले वडा महाधिवेशनको संघारमा जिल्लाका प्रत्येक वडा, पालिका र क्षेत्रीय सभापतिहरुलाई प्रशिक्षण दिएको छ । कांग्रेसले अधिवेशनको तयारी, निर्वाचन निर्देशिका तथा कार्यविधीबारे बुधबार पार्टी कार्यालय भैरहवामा जिल्लाका १ सय ५५ वडा सभापति, पालिका, क्षेत्रीय सभापतिहरुलाई प्रशिक्षण दिएको हो ।

सो अवसरमा कांग्रेस रुपन्देहीका सभापति अब्दुल रज्जाकले जिल्लामा सर्वसम्मत नेतृत्व चयनको लागी अधिकतम प्रर्यत्न गर्ने र वडा तहमा खटिने निर्वाचनकर्मीहरु सहयोग गर्न आग्रह गरेका थिए । पूर्व जिल्ला सभापति रामचन्द्र ढकालले अधिवेशन एउटा पर्व रहेको भन्दै सबैलाइ सक्रिय रुपमा सहभागी हुन आग्रह गरेका थिए ।

प्रतिकृया दिनुहोस्

Flash News

पर्खाल भत्किएर पुरिँदा एकको मृत्यु प्रजातन्त्र होइन गठबन्धनतन्त्र ! सर्वोत्तम लिटोको प्याकेटमा कीरा कसरी लाग्छ हैजा ? यी हुन् लक्षण र रोकथामका उपाय सुनको मूल्य प्रतितोला तीन सय रुपैयाँले घट्यो दक्षिण कोरियामा २०२३ का लागि श्रमिकको तलब ५ प्रतिशतले वृद्धि सयपत्री हाइड्रोपावरको आईपीओ भर्ने समय थप ट्रक र मोटरसाइकल ठोक्किँदा एक जनाको मृत्यु राजस्थानमा धार्मिक तनावः मोदीलाई धम्की, इन्टरनेट सेवा बन्द रुपन्देहीको सैनामैनाका एक युवा मृत अवस्थामा फेला फुटबलर भरत र नवयुग एनएसी प्रतियोगिता खेल्न अमेरिका प्रस्थान डाइभर्सन निर्माणपछि खुल्यो पूर्व–पश्चिम राजमार्ग, कस्ताे छ अन्य सडककाे अवस्था ? मध्यअसारसम्म लुम्बिनीमा ३३ प्रतिशत मात्र रोपाईं आज पनि देशभर वर्षाको सम्भावना श्रीमान १० वर्ष वेपत्ता भए श्रीमतीलाई एकल भत्ता दिने प्रस्ताव रोटरी क्लब भैरहवाद्वारा तिलोत्तमास्थित विद्यापिठका विद्यार्थीलाई कम्प्युटर तथा झोला वितरण एमाले निकट युवा संघको धान राेपाइँमा कुटाकुट बुटवलमा जंगली च्याउ खाँदा ६ जना बिरामी, अवस्था गम्भीर असारे–१५ः ‘हिलोमा रमाउनेहरुको दाउ–१७’ काठमाडौंमा १४ जनामा हैजाको संक्रमण पुष्टि