१६ मंसिर २०७९, शुक्रबार

Dec 2, 2022

भैरहवा । रुपन्देहीको रोहिणी गाउँपालिकामा डुबानबाट प्रभावित ३ सय घरधुरीलाई तत्काल राहत पुग्ने राहत सामाग्री बितरण गरिएको छ । रोहिणी गाउँपालिका र अन्र्तराष्ट्रिय बौद्ध समाजको समन्वयमा सु जी फाउण्डेशनले रोहिणीका बिभिन्न टोलमा राहत बितरण गरेको हो ।

Advertisement


रोहिणी गाउँपालिकाको कुश्मी, सेमरहवा, बिरनी, छिपागढ, कोटहवा, तरकुलहा, पक्डिहवा, कदमहवा, सुईलिहवा लगातको टोलमा राहत बितरण गरिएको छ । तत्कालको लागी २५ किलो चामल, १० किलो पिठो, सोयाबिन, तेल, दाल, साबुन लगायतको सामाग्री प्रदान गरिएको अन्र्तराष्ट्रिय बौद्ध समाजका अध्यक्ष भिक्षु मैत्रेयले जानकारी दिए । समाचारबाट रोहिणी गाउँपालिकामा भएको डुबान र यस बाट धेरै परिवार प्रभावित भएको जानकारी आए पछि मानविय नाताले राहत प्रदान गरेको उनले जनाए । समाचारको माध्यमबाट प्रभावित परिवारका अन्न भिजेर खानपिनमा समस्या भएकोले अन्नको रुपमा राहत दिएको उनले बताए ।

२०५० साल देखी नै यो संस्थाले नेपालमा राहत प्रदान गर्ने, बाढी, डुबानबाट भत्केका घरहरु बनाईदिने लगायतका काममा सहयोग गरिएको उनले बताए । संस्थाले नेपालका कोभिडबाट प्रभावित परिवारलाई पनि गरि अहिले सम्म करिब ६० हजार परिवारलाइ राहत प्रदान गरेको छ ।
मलेसियामा रहेको सु जी फाउण्डेशनले उक्त राहत सामाग्री सहयोग गरेको भिक्षु मैत्रेयले जनाए । उनले सु जी भनेकै आपत बिपतमा राहत दिने नाम भएको र नेपालमा बिभिन्न बिपद्को समयमा फाउण्डेशनले सहयोग गर्ने गरेको बताए ।

स्थानिय मुकेश मुराउले बाढीको कारण घरमा भएको सबै अन्नपात नोक्सान भएको अवश्थामा रोहिणी गाउँपालिकाको सहयोगमा प्राप्त भएका राहत सामाग्रीले केही हद सम्म सहयोग पुग्ने बताए । उनले यो सामाग्रीले २ हप्ता सम्म आफ्नो घरमा चूल्हो बल्ने र त्यसपछिको अवश्था पनि सहज हुने विश्वास ब्यक्त गरे । उनले यस्तो बिपद्मा पाएको सहयोगले स्थानिय सरकार महशुश भएको बताए ।

भदौ १० गते भएको डुबानबाट रोहिणीको वडा नम्बर १, ३ र ४ सबै भन्दा बढी प्रभावित भएको थियो । अबिरल बर्षाका कारण मूख्य बाटो मात्र नभई यी वडाका अधिकांश टोलहरु जलमग्न हुदा धेरै परिवारको बिचल्ली भएको थियो । रोहिणी गाउँपालिकाका अध्यक्ष सनोज कुमार यादवका अनुसार गाउँपालिकामा करिब ५ सय घरधुरी बाढी र डुबानबाट प्रभावित भएका थिए । यी मध्ये ३ सय परिवारलाई सु जी फाउण्डेशन र अन्र्तराष्ट्रिय बौद्ध समाजको सहयोगमा राहत प्राप्त भएकोले गाउँपालिकालाई केही सहज भएको उनले बताए ।

बाँकी परिवारको हकमा कुनै दातृ निकायले सहयोग गरे स्वागत गर्ने र सहयोग नआए पनि गाउँपालिका आफैले राहत बितरण गर्ने उनले जानकारी दिए । यस अतिरिक्त गाउँपालिकामा केही घरहरु समेत भत्केका कारण बिधि पु¥याइ उनिहरुलाई पनि क्षतिपूर्ति प्रदान गरिने यादवले जनाए ।

प्रतिकृया दिनुहोस्

Flash News

नेवार कन्याहरुको ईहि शुरु भिम रावललाई बालेनको जवाफ: ‘तपाईंहरू जस्तो विदेशीसँग सहयोग माग्ने रहर छैन’ धनगढीमा शनिबार बिहानसम्म निषेधाज्ञा थप कैलाली प्रहरीको नियन्त्रणमा रहेका विद्यार्थीलाई रिहाइ गर्न विद्यार्थी संगठनहरूको माग आज बिहानदेखि रोकिएको बाजुराको मतगणना पुनः सुरु सरसफाइकर्मीका परिवारलाई स्वरोजगार र उद्यममा जोड्छौ: पाण्डे बैतडी हत्या प्रकरण : दोषिलाई तत्काल कानुनी दायरामा ल्याउन कर्मीको माग कम्बोडिया पठाइदिन्छु भन्दै ठगी गर्ने व्यक्ति पक्राउ निबन्ध लेखन प्रतियोगितामा इडन प्रथम वर्तमान निर्वाचन कानूनसँग सन्तुष्ट छैनौं : प्रमुख आयुक्त थपलिया माओवादी केन्द्रसँग पार्टी एकता हुने हल्ला निराधार : एकीकृत समाजवादी भीम रावलको प्रश्न : परराष्ट्र मन्त्रालयको अनुमतिमा बालेन साहले अमेरिकी राजदूतलाई भेटेका हुन् ? अपाङ्गताको न्यायमा पहुँच सहजताका लागि साझा पहल जरुरी अघिल्लाे चुनावमा दुई लाख मत कटाएकाे विवेकशील साझालाई समानुपातिकतर्फ ७८९ मत मात्र कांग्रेसबाट समानुपातिकतर्फ को-को पुरुष सांसद बन्लान्, यस्तो छ हिसाब किताब पश्चिम नवलपरासीमा भन्सार छलेको ३० क्वीन्टल चिनी बरामद सरकारमा युवाहरुले नेतृत्व लिनु पर्छः डा.चन्द्र भण्डारी बाजुरापछि दोलखा (ख) मा पनि रोकियो मतगणना निषेधित क्षेत्रमा प्रदर्शन भएपछि धनगढीमा ८ राउन्ड हवाइ फायर, दर्जन बढी विद्यार्थी पक्राउ कपिलवस्तुमा भारतीय नागरिकमाथि गोली प्रहार