३० श्रावण २०७९, सोमबार

Aug 15, 2022

दाङ। तुलसीपुर उपमहानगरपालिका १८ अक्कासीमा झमबहादुर वलीले गाउँलाई स्मार्ट कृषि गाउँ कार्यक्रम लागू भएपछि आफूहरूलाई धेरै राम्रो भएको बताए । उनले बाख्रा पालन गर्दै आएका छन् । स्मार्ट कृषि कार्यक्रमले राम्रो खोर बनाउन सहयोग गरेपछि आफूलाई धेरै खुशी लागेको उनले बताए । उनीसँग अहिले साना र ठूला गरी १० वटा बाख्राहरू छन् ।

Advertisement

उनले भने, ‘बाख्रा पालन पहिलेको भन्दा यो कार्यक्रम लागू भएपछि सुधार भएको छ । उनलाई स्मार्ट कृषि कार्यक्रमले बाख्रा पालनको लागि मात्र नभइ भेटनरी पढेका छोराले पनि कृषि कार्यक्रमले प्राविधिकमा राखेको छ । कार्यक्रमले बाख्राको खोर, दाना, घाँस र औषधि उपचारमा हेरिरहेको छ ।’

त्यस्तै अब आफूले धेरै बाख्रा पालन गर्ने योजना बनाएको समेत बताए । त्यसका लागि किसानहरूलाई उन्नत जातका बाख्रा तथा बोकाहरु उपलब्ध गराउनु पर्ने समेत बताए । त्यस्तै उनले आफूहरूले उत्पादन गरेर खसीबाख्राको बजारिकरण भएमा अझ सहज हुने समेत बताए । त्यस्तै उनले बाख्रा खरिदको लागि आफ्नो करिब ढेड लाख खर्च भएको र स्मार्ट कृषि गाउँले खोर निर्माणको लागि करिब ८५ हजार सहयोग गरेको समेत बताए । त्यस्तै सोही ठाउँकी भिमा वलीले गाउँमा स्मार्ट कृषि कार्यक्रम लागू भएपछि बाख्रा पालन व्यवसाय शुरु गरेको बताइन्।

उनले पहिला १÷२ वटा बाख्राहरू पाल्दै आएको भएयता पनि अहिले कार्यक्रमले घोर निर्माणमा सहयोग गरेपछि साना र ठूला गरी ७ वटा बाख्राहरू रहेको बताइन् । उनले भन्न्,ि ‘यो कार्यक्रमले गर्दा हामीलाई धेरै हौसला बढाएको छ । पहिला बाख्रा राख्नको लागि राम्रो खोर थिएन । वर्षायाममा पानीमा भिज्थे । गर्मी सयमा घाम मै हुन्थे । अहिले खोर भएपछि धेरै सहज भएको छ । बाख्रालाई बस्नको लागि धेरै राहत मिलेको छ ।’

स्मार्ट गाउँमा किसानहरूको बाख्राको बिमा बनाउने, खोर बनाउने काम भएको कार्यक्रम संयोजक टोप बहादुर वलीले बताए । उनका अनुसार गाउँमा ३० वटा बाख्राको खोर र २६ वटा बङ्गुरका खोरहरू तयार भएका छन् । उनले भने, ‘किसानहरूलाई घाँस फ्रि, बिमा फ्रि गरिएको छ । प्रदेश सरकारको ५० लाख र स्थानीय सरकारको १० लाखको सहयोगमा यो कार्यक्रम गाउँमा लागू भएको हो ।

तर, कोरोना महामारीले गर्दा धेरै कामहरू गर्न सकिएन ।’ गाउँमा यो कार्यक्रम लागू भएपछि धेरै किसानहरूलाई राहत मिलेको समेत उनले बताए । त्यस्तै उनले बाख्रा पालनतर्फ ५ वटा र बंगुर पालन तर्फ २ वटा अनिवार्य पालेकालाई मात्र यो कार्यक्रमले सहयोग गरेको समेत बताए । गाउँमा यो कार्यक्रम २०७७ फागुन देखि लागू भएको हो । प्रदेश सरकारले मात्र नभइ स्थानीय सरकारले पनि कृषि क्षेत्रमा धेरै काम गर्दै आइरहेको बताएका छन् ।

तुलसीपुर उपमहानगरपालिका कृषि शाखाका अनुसार उपमहानगरले तरकारी खेतीमा आत्मनिर्भर बन्ने अवस्था रहेको छ । विगतमा धेरै बाहिरबाट आउने गएरको भएयता पनि अहिले आत्मनिर्भर बन्ने अवस्थामा रहेको शाखाका प्रमुख कृषि अधिकृत धनराज गौतमले बताए । उपमहानगरले उन्नत जातको बिउँमा ५० प्रतिशत छुट र विभिन्न कृषि यान्त्रिक उपकरणहरू पनि सहयोग गर्दै आएको समेत बताए।

विगतमा कृषि कार्यालयले गर्ने काम भन्दा स्थानीय तहले किसानहरूको लागि धेरै सहयोगका काम गर्दै आइरहेको समेत उनको भनाइ छ । त्यस्तै उपमहानगरले १९ वटै वडाहरूमा कृषि तथा पशुको प्राविधिकहरू राख्नको लागि प्रदेश सरकारमा माग भइहेको समेत उनले बताए ।

प्रतिकृया दिनुहोस्

Flash News

५ लाख बढी प्रतिस्पर्धी रहेको ड्रिम टोयोटा कार आर्ट प्रतियोगितामा नेपालबाट बुटवलकी निकिता बनिन् उत्कृष्ट विभिन्न स्थानमा अवैध लागूऔषधसहित पाँच जना पक्राउ सुनको मूल्य ४०० रुपैयाँ घट्यो लुम्बिनी सरकारको आम्दानीः तलब भत्ता समेत पुग्दैन, कर्मचारी पाल्न ‘अरुको भर’ फलफूल र तरकारीको मूल्य : सबैभन्दा सस्तो सेतो मुला, महंगो किवी शुद्धोधन ३ मा सुकुम्बासी जग्गा नापजाँच सुरु २४ वर्षीया पुष्पा बुढाथोकी १ महिनादेखि सम्पर्कबिहीन भ्रष्टाचार र वंशवाद भारतका दुई शत्रु: माेदी साउनको अन्तिम सोमबार देवघाटमा भक्तजनको घुइँचो (फाेटाेफिचर) राप्रपा नेपालको केन्द्रिय समिती बैठक शुरु, प्रतिवेदनहरु प्रस्तुत हुदैँ कम्युनिष्ट पार्टी भन्ने बित्तिकै जनता डराउने अवस्था आयोः मन्त्री चौधरी मध्य भोटेकोशी जलविद्युत अझै १ करोड ५४ लाख रुपैयाँ नोक्सानमा श्रावणको अन्तिम सोमबार : शिवालयमा भक्तजनको भीड रुस्दीमाथि छुरा प्रहारः चुकिल लगाएर कोठाभित्रै बस्छन् आक्रमणकारीका बाबु कमल थापाले गरे राष्ट्रपति भण्डारीको निर्णयलाई स्वागत माओवादी स्थायी कमिटी बैठक दिउँसो १ बजे बस्दै ७५औँ स्वतन्त्रता दिवस मनाउँदै भारत रुपन्देहीमा अज्ञात समुहको गोली प्रहारबाट बिकास गुरुङ घाइते नागरिकता विधेयक : यस्तो छ अबको संसदीय प्रक्रिया बुटवलको सडकको अवस्थाः जनसरोकारको बिषय