३० श्रावण २०७९, सोमबार

Aug 15, 2022


भैरहवा । भदौ १० गते देखी २ दिन परेको अबिरल पानीका कारण रुपन्देहीको दक्षिणी पूर्वि क्षेत्र डुबानका परि नराम्ररी प्रभावित बन्यो । डुबानकै कारण अरबौको धनमालको क्षति मात्र भएन ३ जना खोलामा डुबेका समेत छन् ।

Advertisement

जिल्लाका पूर्वि क्षेत्र डुबान हुदा नागरिकले पाएको सास्ती शसस्त्र प्रहरीले केही हद सम्म कम गरेको छ । डुबान प्रभावित क्षेत्रमा उद्दारमा खटिएको शसस्त्र प्रहरीले डुबान प्रभावितहरुलाई तत्काल राहत पुग्ने कार्यक्रम ल्याएर बिपद्को सहारा बनेको छ । जिल्लाका डुबान प्रभावित क्षेत्रमा शसस्त्र प्रहरीको टोलीले ज्यान जोखिममा राख्दै आम नागरिकको ज्यान जोगाएको छ, उनिहरुको उद्दार गरेको छ । शसस्त्र प्रहरीले बुटवल तिलोत्तमा, देवदह, सिद्धार्थ नगर, कंचन, रोहिणी, ओमसतिया गाउँपालिकामा सशस्त्र प्रहरी बल, नेपाल परिचालन भई बर्षाद तथा बाढीबाट प्रभावितहरुको उद्दार गरेको छ ।

ओमसतिया गाउँपालिका वडा नम्बर ४ बेतौलियामा रोहिणी खोलाले बगाएर ल्याएको दाउरा झिक्ने क्रममा खोलाले बगाई बेपत्ता भएका ५५ बर्षिय परमेश्वर कहारको शव फेला पारेको छ । सशस्त्र प्रहरी बल, नेपाल नम्बर २७ गण हेक्वा रुपन्देहीबाट खटिएको विपद् उद्दारको टोलीले शव खोलाबाट निकाली जिल्ला प्रहरी कार्यालय रुपन्देहीबाट खटिएको नेपाल प्रहरीको टोलिलाई जिम्मा लगाईएको सशस्त्र प्रहरी बल, नेपाल नम्बर २७ गण हेक्वाका शसस्त्र प्रहरी नायब उपरिक्षक शोभाकान्त खनालले जानकारी दिए ।

यस्तै सोही स्थानमा दाउरा छोप्न गएका अजय चौधरी, रामअबतार कहार, उदयराज मल्लाहलाई रोहिणी खोलामा आएको बाढीबाट बच्न खोलाको बिचमा रुखमा चढी बसेको अबस्थामा सशस्त्र प्रहरी बल, नेपालको विपद् उद्दारको टोलिले उद्दार गरी सुरक्षित स्थानमा ल्याएको थियो । रुपन्देही देबदह नगरपालिका ११ मझपुरमा चारै तिरबाट पानिको बहाब बढ्न गई घरमा ब्याक्तीहरु थुनिएर रहेको अबस्थामा सशस्त्र प्रहरीले सोही ठाउ बस्ने राम किसन थारु, बुचिरा केवट, दिपक क्षेत्रि, सुरज पहारलाई उद्दार गरी सुरक्षित ल्याई राखेको शसस्त्रका डिएसपी शोभाकान्त खनालले जनाए ।

देवदहकै वडा नम्बर ३ बसन्तपुरमा रोहिणी खोलाको बहाव बढ्दा सुनिल केसीले संचालन गरेको फार्ममा बाढी पसेको थियो । उक्त स्थानमा उद्धारको लागि सशस्त्र प्रहरी बल, नेपालको टोलीले सुनिल केसी, सनम थापा, सुरज क्षेत्री लगाएत ७ वटा जिउदो बाख्रा, २ वटा कुकुरको जिवितै उद्धार गरेको थियो ।

यस्तै सिद्धार्थनगर नगर पालिकाको वडा नम्बर १२ श्रीकृष्णपथमा डण्डा खोलाको बाढी प्रभावित १५ घर परिवारहरुका करिब ६० जना स्थानिय बासिन्दाहरुलाई वडा अध्यक्षको संयोजक्त्वमा भएको राहत वितरण कार्यक्रममा शसस्त्र प्रहरी निरिक्षक कुल बहादुर खड्काको कमाण्डमा खटिएको टोलिले डुङ्गाको सहायताले घर–घरमा लगि खाध्यान्न तथा पिउने पानी वितरण गरेको समेत गरेको थियो ।

बर्षाकै कारण आज सिद्धार्थनगर नगरपालिका वडा नम्बर ११ को भुजौलि खोलामा पौडी खेल्ने क्रममा हराइ रहेको सोही ठाउका ३५ बर्षिय बुद्धिराम यादवको शव शसस्त्र प्रहरीले फेला पारेको छ । दिउसो करिब १२ बजे पौडी खेल्न क्रममा यादव हराए पछि शसस्त्र प्रहरी बल नेपाल २७ नम्बर गण हेक्वाबाट शसस्त्र प्रहरी निरिक्षक ताम्रजंग बस्नेतको कमाण्डमा खटिएको १० जनाको उद्दार टोलीले पौने २ बजे तिर उनको शव फेला पारेको थियो । फेला परेको दुवै शव थप अनुसन्धानको लागी नेपाल प्रहरीको जिम्मा लगाईएको शसस्त्र डिएसपी शोभाकान्त खनालले जानकारी दिए ।

प्रतिकृया दिनुहोस्

Flash News

५ लाख बढी प्रतिस्पर्धी रहेको ड्रिम टोयोटा कार आर्ट प्रतियोगितामा नेपालबाट बुटवलकी निकिता बनिन् उत्कृष्ट विभिन्न स्थानमा अवैध लागूऔषधसहित पाँच जना पक्राउ सुनको मूल्य ४०० रुपैयाँ घट्यो लुम्बिनी सरकारको आम्दानीः तलब भत्ता समेत पुग्दैन, कर्मचारी पाल्न ‘अरुको भर’ फलफूल र तरकारीको मूल्य : सबैभन्दा सस्तो सेतो मुला, महंगो किवी शुद्धोधन ३ मा सुकुम्बासी जग्गा नापजाँच सुरु २४ वर्षीया पुष्पा बुढाथोकी १ महिनादेखि सम्पर्कबिहीन भ्रष्टाचार र वंशवाद भारतका दुई शत्रु: माेदी साउनको अन्तिम सोमबार देवघाटमा भक्तजनको घुइँचो (फाेटाेफिचर) राप्रपा नेपालको केन्द्रिय समिती बैठक शुरु, प्रतिवेदनहरु प्रस्तुत हुदैँ कम्युनिष्ट पार्टी भन्ने बित्तिकै जनता डराउने अवस्था आयोः मन्त्री चौधरी मध्य भोटेकोशी जलविद्युत अझै १ करोड ५४ लाख रुपैयाँ नोक्सानमा श्रावणको अन्तिम सोमबार : शिवालयमा भक्तजनको भीड रुस्दीमाथि छुरा प्रहारः चुकिल लगाएर कोठाभित्रै बस्छन् आक्रमणकारीका बाबु कमल थापाले गरे राष्ट्रपति भण्डारीको निर्णयलाई स्वागत माओवादी स्थायी कमिटी बैठक दिउँसो १ बजे बस्दै ७५औँ स्वतन्त्रता दिवस मनाउँदै भारत रुपन्देहीमा अज्ञात समुहको गोली प्रहारबाट बिकास गुरुङ घाइते नागरिकता विधेयक : यस्तो छ अबको संसदीय प्रक्रिया बुटवलको सडकको अवस्थाः जनसरोकारको बिषय