३० श्रावण २०७९, सोमबार

Aug 15, 2022

दाङ । राप्ती प्रादेशिक अस्पताल तुलसीपुरका मेडिकल सुपरिटेन्डेन्ट डा. विनोद सिंहलाई शुक्रबार एमाले निकट विद्यार्थीहरुले कालोमोसो दलेका छन् । अनेरास्ववियु दाङका अध्यक्ष सर्जन परियारको नेतृत्वमा गएको ३/४ जनाको समूहले दिउँसो पौने २ बजे मेसुको कार्यकक्षमै गएर कालोमोसो दलेको जिल्ला प्रहरी कार्यालय दाङका सुरेश काफ्लेले जानकारी दिए ।

Advertisement

ईलाका प्रहरी कार्यालय तुलसीपुरका अनुसार मेसुलाई कालोमोसो दल्ने सर्जन परियार, दिवस क्षेत्री र गणेश खड्काका विरुद्धमा उजुरी परेको बताएको छ । उक्त घटनामा संलग्नहरुको खोजी कार्य जारी रहेको एसपी काफ्लेले बताए । अस्पतालका मेसु सिंहले ३/४ जनाको समूह मेसुको कार्यकक्षमा गई अस्पतालको सेवाको बारेमा सोधेपछि टाइफाईड भएको बिरामीको ब्लड कल्चर चेकको व्यवस्था यस अस्पतालमा नभएको र मेनपावरको अभावलगायतका कुरा बुझाउन खोज्दा बिचमै एक जनाले कालोमोसो दलेको बताएका छन् ।

‘ती व्यक्तिका अनुसार आफ्नो श्रीमती बिरामी भएको भन्ने हो तर त्यसबारे थाहा भएन र एक जना बुढो मान्छे बाटोबाटै समातेर ल्याएका थिए । तर यसो हेर्दा त यो एउटा प्रायेजित नियोजित जस्तो देखियो कसैको आडमा नै आएको देखियो ।’ डा.सिंहले भने ‘कानुनले जति सक्यो चाँडै कारबाही गरोस्, अस्पतालमा काम गर्ने वातावरण पैदा होस्, यदि ती समूहलाई कानुनले कडाभन्दा कडा कारबाही गरेन भने अस्पतालका सबै स्वास्थ्यकर्मीहरु असुरक्षित हुने अवस्था हुन्छ ।’ यहाँ स्वास्थ्यकर्मीहरु २४ सै घण्टा काम गर्नु पर्ने भएकाले कुनैपनि समयमा घटना घट्न सक्छ र सुरक्षाको पनि प्रत्याभूति भएन भने अप्ठ्यारो पर्छ ।’

त्यस्तैगरी अस्पताल विकास समितिका अध्यक्ष पदम न्यौपानेले भने ‘यसरी अस्पताल जस्तो संवेनशील ठाउँमा आएर उपयुक्त खालको काम गर्ने वातारण नदिने हो भनेपछि कसरी काम गर्न सकिन्छ ?’ साथै अस्पताल विकास समितिको तर्फबाट शुक्रबार भएको यस घटनाप्रति खेद प्रकट गरेको र सम्बन्धित व्यक्तिलाई हदैसम्मको कारबाहीको माग गर्ने निर्णय गरेको अध्यक्ष न्यौपानेले बताए ।

त्यस्तैगरी चिकित्सकहरुको संगठनको तर्फबाट भोलि (शनिबार) ९ बजेसम्म सम्बन्धित अपराधिहरुलाई पक्राउ गरी कानुनी दायरामा नल्याउदासम्म अस्पतालको ईमरजेन्सी, सुत्केरी, डायलासिस र अत्यावश्यकसेवा बाहेक अन्य सबै सेवा बन्द रहने निर्णय गरेको उनले बताए । त्यस्तै अध्यक्ष न्यौपानेका अनुसार ५० बेडको अस्पताललाई ९५ वेडमा सेवा प्रवाह गरिरहेको र जनशक्तिको पनि अभाव रहेको अवस्थामा यस्ता घृणित कार्यप्रति अस्पताल विकास समिति खेद प्रकट गरेको छ ।

प्रतिकृया दिनुहोस्

Flash News

५ लाख बढी प्रतिस्पर्धी रहेको ड्रिम टोयोटा कार आर्ट प्रतियोगितामा नेपालबाट बुटवलकी निकिता बनिन् उत्कृष्ट विभिन्न स्थानमा अवैध लागूऔषधसहित पाँच जना पक्राउ सुनको मूल्य ४०० रुपैयाँ घट्यो लुम्बिनी सरकारको आम्दानीः तलब भत्ता समेत पुग्दैन, कर्मचारी पाल्न ‘अरुको भर’ फलफूल र तरकारीको मूल्य : सबैभन्दा सस्तो सेतो मुला, महंगो किवी शुद्धोधन ३ मा सुकुम्बासी जग्गा नापजाँच सुरु २४ वर्षीया पुष्पा बुढाथोकी १ महिनादेखि सम्पर्कबिहीन भ्रष्टाचार र वंशवाद भारतका दुई शत्रु: माेदी साउनको अन्तिम सोमबार देवघाटमा भक्तजनको घुइँचो (फाेटाेफिचर) राप्रपा नेपालको केन्द्रिय समिती बैठक शुरु, प्रतिवेदनहरु प्रस्तुत हुदैँ कम्युनिष्ट पार्टी भन्ने बित्तिकै जनता डराउने अवस्था आयोः मन्त्री चौधरी मध्य भोटेकोशी जलविद्युत अझै १ करोड ५४ लाख रुपैयाँ नोक्सानमा श्रावणको अन्तिम सोमबार : शिवालयमा भक्तजनको भीड रुस्दीमाथि छुरा प्रहारः चुकिल लगाएर कोठाभित्रै बस्छन् आक्रमणकारीका बाबु कमल थापाले गरे राष्ट्रपति भण्डारीको निर्णयलाई स्वागत माओवादी स्थायी कमिटी बैठक दिउँसो १ बजे बस्दै ७५औँ स्वतन्त्रता दिवस मनाउँदै भारत रुपन्देहीमा अज्ञात समुहको गोली प्रहारबाट बिकास गुरुङ घाइते नागरिकता विधेयक : यस्तो छ अबको संसदीय प्रक्रिया बुटवलको सडकको अवस्थाः जनसरोकारको बिषय