९ आश्विन २०७९, आईतवार

Sep 25, 2022

मनाङ । हिमाली जिल्ला मनाङको सीमावर्ती नाकामा सुरक्षा चेकजाँचमा कडाइ गरिने भएको छ । नाका खुला भएसँगै आपराधिक गतिविधि वृद्धि हुनसक्ने भएकाले जाँच कडाइ गरिने भएको हो । छिमेकी जिल्ला लमजुङ र जिल्लाको सीमावर्ती नाकामार्फत हुनसक्ने आपराधिक क्रियाकलाप न्यूनीकरणका लागि सुरक्षा जाँचमा कडाइ गर्न लागिएको छ ।

Advertisement

मनाङ ङिस्याङ गाउँपालिका–१ भ्राताङमा आयोजित अन्तरजिल्ला समन्वय बैठकले जाँचलाई प्रभावकारी र कडाइ गर्ने निर्णय गरेको हो । नाका खुला गरिँदा हुनसक्ने अवैध हातहतियार तथा विस्फोटक पदार्थ, लागुऔषध, धार्मिक तथा पुरातात्विक वस्तु, बहुमूल्य जडीबुटी, वनपैदावार, निषेधित एवं संरक्षित वन्यजन्तु÷अखेटोपहारलगायत अवैध तथा बहुमूल्य वस्तुको चोरी निकासी तथा ओसारपसार गतिविधिमा रोक लगाउन सुरक्षा जाँच कडाइ गरिने भएको हो ।

मनाङका प्रमुख जिल्ला अधिकारी विष्णु लामिछानेले सीमा क्षेत्रमा नदी, खोलानालालगायतबाट हुने प्राकृतिक स्रोतसाधनको दोहन नियन्त्रण गर्न जाँज कडाइ गर्न लागिएको बताए । उनका अनुसार ढुङ्गा, गिट्टी, बालुवालगायत नदीजन्य पदार्थको अवैधरूपमा हुने उत्खनन तथा चोरी निकासी नियन्त्रण गर्न सूचना आदानप्रदान गरी आवश्यक समन्वय गर्नेछ । “बाढीपहिराजस्ता विपद् व्यवस्थापन, विभिन्न प्राकृतिक प्रकोप तथा महामारीजन्य रोगका कारण उत्पन्न हुने जोखिम र क्षतिको न्यूनीकरणका लागि आपसी समन्वय र सहकार्य गर्ने निर्णय भएको छ”, प्रजिअ लामिछानेले भने ।

लमजुङका प्रमुख जिल्ला अधिकारी होमप्रसाद लुइँटेलका अनुसार अविरल वर्षासँगै आएको बाढी पहिरोका कारणले बेँसीसहर–चामे सडकखण्डमा धेरै क्षति पुगेको र गत जेठ १५ गतेदेखि नै सडक अवरुद्ध रहेको हुँदा उक्त सडक सञ्चालनमा ल्याउन समन्वयात्मक तवरबाट प्रयास थालिने छ । सडकको अनुगमन, निरीक्षण र निर्देशनलाई निरन्तररूपमा जारी राख्नेसमेत उनले बताए । लामो समयदेखि सडक अवरुद्ध हुँदा जनजीवन कष्टकर हुँदै गएकाले बाढी प्रभावित क्षेत्रमा ढुवानी हुने खाद्यान्न, औषधि, इन्धन, निर्माण सामग्रीलगायत आपूर्तिको व्यवस्था गरी सहज अवस्थामा ल्याउन सहजीकरण गरिने लुइँटेलले बताए।

त्यस्तै, कोरोना सङ्क्रमण नियन्त्रण, रोकथाम र व्यवस्थापनका लागि दुवै जिल्लाका स्वास्थ्य संस्थाको समन्वयमा सूचना सम्प्रेषण तथा समन्वयात्मक ढङ्गले महामारीजन्य रोग रोकथाम तथा नियन्त्रणका लागि समन्वय गरिने भएको छ । विपद्को समयमा जिल्लाभित्र खोज तथा उद्धार कार्यमा खटिने मौजुदा सुरक्षाकर्मी जनशक्ति, उद्धार तथा आपत्कालीन राहत सामग्री अपुग भएमा दुवै जिल्लाका सुरक्षा निकायबीच आपसी समन्वय गरी परिचालन गर्ने निर्णय भएको लामिछानेले बताए ।

बेँसीसहर–चामे सडकखण्डमा वर्षायाममा बाढीपहिरा तथा हिउँदमा हिमपहिराका कारण समय–समयमा सडक अवरुद्ध हुनसक्ने भएकाले आ–आफ्नो जिल्लाको सीमाभित्र पर्ने अवरुद्ध सडक तत्काल खुलाउन आवश्यक पहल गर्ने निर्णय भएको लामिछानेले बताए । बैठकमा मनाङका प्रहरी निरीक्षक अर्जुनध्वज अधिकारी, रणदल गुल्म मनाङका सेनानी सुजित अधिकारी, सशस्त्र प्रहरी बल मनाङका प्रहरी नायब उपरीक्षक होमनाथ पन्थी, अनुसन्धान प्रमुख सुन्दरमणि पोख्रेल, लमजुङका प्रहरी नायब उपरीक्षक कृष्णबहादुर कार्की, सशस्त्र प्रहरी बल लमजुङका प्रहरी नायब उपरीक्षक नवराज थापा, श्रीजङ्ग गणका सेनानी किशोर अधिकारी, जिल्ला अनुसन्धान प्रमुख कुमार बुढाथोकीलगायतको उपस्थिति थियो । रासस

प्रतिकृया दिनुहोस्

Flash News

सर्वोच्चले राष्ट्रपतिसँग माग्यो लिखित जवाफः विधेयक किन प्रमाणीकरण नगरेको ? अर्थमन्त्री शर्मा भन्छन्- कर्णालीकाे विकासमा कृर्षिकाे भूमिका महत्वपूर्ण छ जुवातास खेलिरहेको अवस्थामा छुट्टाछुट्टै स्थानबाट ३५ जना पक्राउ सिद्धार्थ बैंकको दसैं योजना : अनलाइन कारोबार गर्दा २० प्रतिशत क्यास ब्याक पाउने राष्ट्रपतिविरुद्धको रिट न्यायाधीश फुयालको इजलासमा शालनालसहित शिशुको शव भेटियो भरतलाई भाग्यको साथ: बज्रपातमा ३५ करोडको चिट्ठा बढ्यो भीड, बढेन व्यापार जिप चलाउँदै गरेका चालकलाई बोलाएर कुटपिट घट्यो सुनचाँदीको मूल्य डेंगु महामारी नियन्त्रण गर्न सरकारले विशेष ध्यान दिनुपर्छः सिंह केन्द्रीय बैंकले १२ अर्बको ट्रेजरी बिल जारी गर्ने तुलसीपुरमा मोटरसाइकलको ठक्करबाट पैदलयात्रीको मृत्यु ट्याक्सी र स्कुटर ठोक्किँदा एक जनाको मृत्यु दसैँमा दुर्गम क्षेत्रमा अत्यावश्यक खाद्यन्न अभाव हुन दिन्नौँ: खाद्य कम्पनी डलरको भाउ हालसम्मकै उच्च एमाले देशको ठूलो पार्टी बन्छ: अध्यक्ष ओली सकियो सोह्र श्राद्ध, पितृ विसर्जन गरिँदै उडानमा यात्रुले परिचरलाई कुटेपछि … अरिङ्गाल पोल्ने क्रममा एकको मृत्यु, पाँच जना घाइते