२४ मंसिर २०७९, शनिबार

Dec 10, 2022

करिडोरको विकल्प नहुँदा यात्रीलाई सधैँ सास्ती

बलेवा । शुक्रबार बिहान बिरामी आमालाई उपचार गराउन कुश्मीशेराबाट धौलागिरि अस्पतालतर्फ लाग्नुभएका उमाकान्त चापागाईं झण्डै पाँच घण्टा फुर्से खोलामा रोकिए । निरन्तर झरिरहेको पहिराका कारण सडक बन्द थियो । उनीजस्तै जिल्लाको दक्षिणबाट बिरामी बोकेर आएका सवारी साधनको लस्कर खोलावारि थियो ।

Advertisement

बिरामी छटपटाइरहेका देखिन्थे । निरन्तर बगिरहेका गेगरको चोट लाग्ने त्रासले हिँडेर पहिरो पार गर्न पनि कठिन थियो । कुश्मीशेराकै खाद्यान्न व्यवसायी अशोक आचार्य तीन दिनदेखि खाद्यान्न बोकेको पिकअप भ्यानसहित खोला छेउमै थिए । पानी र चाउचाउ खाएर उनले ती दिन बिताए । बागलुङ बजार र पोखराबाट बिरामी तथा अत्यावश्यक कामका मानिस लिएर आएका सवारी साधन अर्कोतर्फ लामबद्ध थिए ।

फुर्सेमा बुधबार राति खसेको पहिराका कारण कालीगण्डकी करिडोर अवरुद्ध भएको थियो । पहिरो पन्छाउने प्रयास भए पनि निरन्तर खसिरहेकाले त्यहाँ सवारी साधन सञ्चालन गर्न निकै कठिन भएको छ । बागलुङ नगरपालिका–१३स्थित पैंयुपाटाको फुर्सेमा खसेको पहिराले दक्षिण क्षेत्रका सर्वसाधारणले सास्ती खेप्दै आएका हुन् ।

“देख्दा अचम्म लाग्छ, माथि समथर ठाउँ पनि बगेर पहिरो भएको छ”, पैँयुपाटाका भवानीप्रसाद रिजालले भने, “कुन दिन के दुःखद् कुरा सुन्नुपर्ने हो, दक्षिणका मान्छेले असाध्यै दुःख पाए ।” कालीगण्डकी करिडोरको ट्रयाक खोल्ने क्रममा खोला छेउको पहाड फोड्नका लागि पड्काइएका बमका कारण जमिन कमजोर भएर निरन्तर पहिरो आएको हुनसक्ने स्थानीयवासीको गुनासो छ ।

यो वर्षको मनसुन शुरु भएयता दक्षिणका गाउँ कैयौँ पटक सडक सम्पर्कविहीन भएका छन् । थोरै वर्षा हुँदासमेत फुर्सेखोला र एक्लेसालमा आउने पहिराका कारण करिडोर अवरुद्ध हुने गरेको छ । “अन्तबाट सवारी साधन चलाउने विकल्प छैन, भएका सडक सधैँ यस्तै”, सवारी चालक लोकनाथ शर्माले भने, “बजार पुगे गाउँ फर्किन पाइन्छ या पाइन्न, गाउँ पुगे बजार जान पाइन्छ कि पाइँदैन भन्ने त्रास छ ।” बागलुङ कुश्मीशेरा सडक पनि ठाउँठाउँमा अवरुद्ध भएका कारण सर्वसाधारणलाई दुःख भएको उनले बताए ।

सडक डिभिजन कार्यालयले करिडोर सञ्चालनका लागि निरन्तर पहिरो पन्छाउने काम भइरहेको जनाएको छ । “हामीले खबर पाउनेबित्तिकै पहिरो रोक्न स्काभेटर पठाउने गरेका छौँ”, निमित्त प्रमुख मुकुन्द लामिछानेले भने, “हेबी इक्युपमेण्ट पोखराबाट मगाएर निरन्तर पहिरो पन्छाइए पनि खस्ने काम नरोकिएकाले काम गर्नसमेत कठिन भएको छ । ”

शुक्रबार सडक डिभिजनको स्काभेटरसमेत मर्मत गर्नुपर्ने भएपछि बागलुङ नगरपालिकाले अर्को स्काभेटर लगाएर सडक खुलाएको थियो । करिडोरमा खसिरहेको पहिराका कारण नगरपालिकाको बलेवा र जैमिनी तथा बरेङ गाउँपालिकाका बासिन्दाले मनसुन अवधिभर सडकको सास्ती खेप्न बाध्य हुँदै आएका छन् । रासस

प्रतिकृया दिनुहोस्

Flash News

हाेराइन जिबिएस स्कुल ड्राइभरटाेलमा डान्स आइकन र ट्यालेन्ट हन्ट तिलोत्तमामा जारी प्रथम टोल स्तरीय सेभेनए साइड फुटबलमा आज फाइनल खेल हुँदै महिलासहित २७ जनालाई सार्वजनिक स्थलमा कोर्रा पाल्पामा भएको दुर्घटनामा रुपन्देहीका ३४ वर्षीय युवाको मृत्यु आज अन्तर्राष्ट्रिय मानव अधिकार दिवस सरकारमा सहभागी हुन रेशम चौधरीलाई रिहा गर्नुपर्ने नागरिक उन्मुक्ति पार्टीको सर्त राजधानीको विषयलाई लिएर राजनीति होइन प्रदेशसभाको निर्णय कार्यान्वयन गर्न सहयोग गर्नुहोस्: मुख्यमन्त्री केसी तिलोत्तमा मेला : कुस्तीमा नेपालकै पहलमान विजयी, शनिबारदेखि ब्याडमिन्टन प्रतियोगिता हुँदै राजनीतिले धरापमा पर्यो नेपालकको खेलकूद : केन्द्रिय उपाध्यक्ष श्रेष्ठ टरिगाउँ विमास्थलको डिपोमा हवाई इन्धन भरेको ६ महिनापछि रिफिल सेवा सञ्चालनको तयारी बुटवलमा सम्पन्न ११ औं एभरेष्ट वादविवादको उपाधि नव ज्योतिका पाठकलाई विश्वकपका अतिथिलाई खाना खुवाउँछन् नेपालका विनोद, धेरैको रोजाई माछा र तारेको आलु बुटवलको नरैनापुर विद्यालयमा शैक्षिक सुधारसँगै विद्यार्थीको आकर्षण तिलोत्तमा सहकारीद्वारा रक्तदान, ५२ यूनिट संकलन अन्तरविद्यालय क्रिकेटः लुम्बिनी र शान्ति नमूना फाइनलमा संसद सचिवालयको पत्र कार्यान्वयन नगर्न अन्तरिम आदेश राजनीतिक दलहरुले निर्वाचनमा महिलामाथि व्यापक विभेद् गरेः आयोग आर्थिक क्षेत्र चलायमान बनाउने नयाँ सरकारको पहिलो प्राथमिकता : गृहमन्त्री खाँण बुटवलमा पदक विजेता खेलाडीलाई सम्मान, पत्रकारद्वय पाण्डे र श्रेष्ठ पुरस्कृत बुटवलको ट्राफिक, ठेला, इरिक्सा र पार्किङ व्यवस्थापनको काम एकसाथ अघि बढ्ने