२० आश्विन २०७९, बिहीबार

Oct 6, 2022

भैरहवा । गौतम बुद्धसँग सम्बन्धित रुपन्देही, नवलपरासी र कपिलवस्तुका मेयरहरु स्पेन भ्रमण गरि फर्केका छन् । स्पेनबाट फर्केका मेयरहरु लुम्बिनीमा एक कार्यक्रमको आयोजना गर्दै आफ्नो अनुभव र सिकाई साटेका छन् ।

Advertisement

राष्ट्रिय सभा सदस्य गणेश प्रसाद तिमिल्सिनाको नेतृत्वमा रुपन्देहीको लुम्बिनी सांस्कृतिक नगरपालिकाका मेयर मनमोहन प्रसाद चौधरी, देवदह नगरपालिकाका मेयर हिरा बहादुर केसी, नवलपरासी रामग्रामका मेयर नरेन्द्र प्रसाद गुप्ता र कपिलबस्तु नगरपालिकाका मेयर किरण बहादुर सिंह सहितको १० जनाको टोली चैत्र २३ गते ५ दिने भ्रमणको लागी स्पेन पुगेको थियो ।

बुद्ध जन्मभूमि नेपाल र बुद्धको शान्ति सन्देश विश्वभर फैलाउने उद्देश्य सहित स्पेनको एक्सत्रेमदुरा प्रान्तको काथेरेस शहरमा भएको शान्ति सम्मेलनमा भाग लिन पुगेका मेयरहरुको टोलीले भ्रमण उपलब्धि मुलक रहेको बताए । शान्ति सम्मेलन लुम्बिनी गार्डेन फाउन्डेसन, स्पेन, एक्सत्रेमदुरा प्रान्त र सोही प्रान्तको काथेरेस नगरपालिकाको संयुक्त आयोजना भएको थियो ।

भ्रमणले पर्यटन, शिक्षा, स्वास्थ्य, खेलकुद र बिशेष गरि फोहोरमैला ब्यवस्थापनमा स्पेनले गरेका कामहरु बारे अवलोकन गर्नेमा केन्द्रित रहेको थियो । भ्रमण टोलीमा सहभागी देवदह नगरपालिकाका मेयर हिरा बहादुर केसीले नेपालमा फोहोर ब्यवस्थापनमा देखिएका विकाराल समस्यासंग जेडिएका प्रविधि, ज्ञान र उपकरणहरुको आदान प्रदानमा संस्थागत सम्झौता भएकोले यसले भविष्यमा राम्रो प्रतिफल दिने बताए । यो भ्रमणले लुम्बिनी मात्र नभई यस संग सम्बन्धित नगरपालिकाहरुमा रहेको गौतम बुद्ध संग सम्बन्धित स्थलहरुको प्रचार प्रसारमा टेवा पुग्ने उनको दावी छ ।

यस्तै लुम्बिनी सांस्कृतिक नगरपालिकाका मेयर मनमोहन चौधरीले लुम्बिनी र काथेरेस बिच भगिनी सम्बन्ध कायम भएको बताए । उनले निकट भविष्यमै काथेरसको सहयोगमा लुम्बिनमिा उच्च सुविधा सहितको अस्पताल निर्माण सुरु हुने बताए ।

मेयर चौधरीले लुम्बिनीको बसाई लम्ब्याउन लुम्बिनी र गौतम बुद्ध संग जोडिएका क्षेत्रहरुको एकिकृत विकासको लागी स्पेनले सहयोगको वचन दिएको बताए । “सबै नगरपालिकामा बुद्ध संग सम्बन्धित क्षेत्रको विकास भए मात्र पर्यटकको बसाई लम्ब्याउन सकिन्छ । यसमा सबैको प्रयास अपरिहार्य रहेको छ ।” उनले भने । उनले लुम्बिनीमा विकासको जग बसालेको र अब जुन सुकै नेतृत्व आए पनि यसको निरन्तरतामा सहज हुने बताए ।

लुम्बिनीको प्रचार प्रसार गर्नको लागी लुम्बिनी गार्डेन फाउण्डेशनले स्पेनको काथेरेस शहरमा १ सय ७ हेक्टरमा “मिनि लुम्बिनी” निर्माण गर्ने भएकोले यसले लुम्बिनीको प्रचार प्रसारमा थप टेवा पुग्ने अपेक्षा गरिएको छ । लुम्बिनी गार्डेन फाउण्डेशनका उपाध्यक्ष गोविन्द सुवेदीले स्पेनको स्थानिय सरकारको समन्वयमा पार्क निर्माण भई रहेको बताए । पार्कले बुद्ध संग सम्बन्धित बिभिन्न सामाग्रीहरु राखिने बताए ।

शान्ती सम्मेलनका अलवा अध्यक्ष तिमिल्सिनले विभिन्न उच्चस्तरीय भेटघाट गरेका थिए । सो भेटघाटहरु नेपाल स्पेनको कूटनीतिक सम्बन्ध मजबुत बनाउन तथा दुईपक्षीय साझेदारीका लागि निकै उपलब्धिमूलक भएको उनको भनाई छ । अध्यक्ष तिमिल्सिनाले शान्ति सम्मेलनको उद्घाटन गर्दै स्पेनको एक्सत्रेमदुरा प्रान्तको सदनमा सम्बोधन गरेका थिए । त्यसैगरी सम्मेलनको दोस्रो दिन स्पेनको ऐतिहासिक क्याथेरेस नगरपालिकामा भएको कार्यक्रममा उनले नेपालमा शान्ति र लोकतन्त्रको विकास बारे आफ्नो अनुभव सहितको सम्बोधन गरेका थिए ।

लुम्बिनीमा आयोजित कार्यक्रममा बोल्दै राष्ट्रिय सभाका अध्यक्ष गणेश प्रसाद तिमिल्सिनाले भ्रमण दुई देश बिचको सम्बन्ध घनिष्ट बनाउन सहयोग गर्ने बताए । यस्तै बुद्ध संग सम्बन्धित बुद्ध भुमिहरुको विकास गर्ने र भविष्यमा त्यसको दुरगामी प्रभाव पार्ने किसिमले भ्रमण महत्वपूर्ण रहेको बताए । तिमिल्सिनाले बुद्ध संग सम्बन्धित क्षेत्रको विकासको लागी स्थानिय सरकारहरु प्रदेश र संघको मुख ताक्नु भन्दा पनि आफैले प्रयास थाल्नु पर्ने जोड दिए ।

कार्यक्रममा प्रतिनिधि सभा सदस्य सूर्य पाठक, रामग्राम नगरपालिकाका मेयर नरेन्द्र प्रसाद गुप्ता, सिद्धार्थनगर नगरपालिकाका मेयर हरि प्रसाद अधिकारी, बुटवल उपमहानगरपालिकाका प्रमुख प्रशाकिय अधिकृत शिव रेग्मी लगायतको उपस्थिति रहेको थियो । कार्यक्रमको सञ्चालन लुम्बिनी सांस्कृतिक नगरपालिकाका प्रमुख प्रशासकिय अधिकृत भुपेन्दै पाण्डले गरेका थिए ।

प्रतिकृया दिनुहोस्

Flash News

आज पनि टीका लगाइँदै आजको मौसम: सुदूरपश्चिम, कर्णाली, लुम्बिनी र गण्डकी प्रदेशमा धेरै वर्षा हुने सन्दीप लामिछाने आज बिहान १० बजे काठमाडौँ आइपुग्ने रुपन्देहीकी युवा नेतृ २१ वर्षीया झरना चौधरीको दुर्घटनामा मृत्यु गुल्मीको मुसीकोटस्थित दरबार कोटको मेला (तस्वीरमा ) राम बन्न डराएका थिए प्रभास दशैं मनाउन मामाघर हिँडेका अर्घाखाँचीका १० वर्षीय समिरलाई खोलाले बगायो इन्टरनेट जडान गर्ने क्रममा २४ वर्षीय निलमको मृत्यु जीपको ठक्करबाट श्रीमानको मृत्यु, श्रीमती घाइते नेपाल थाइल्यान्डसंग पराजित तीन वर्षपछि टीका लगाउन पाउँदा कैदीबन्दी खुसी राष्ट्रपतिले लगाइदिइन् सर्वसाधारणलाई टीका आधुनिक घट्टले खुड्खुडीमा फेरियाे दैनिकी मिसाइल प्रक्षेपण असफल भएकोमा दक्षिण कोरियाले माग्यो माफी हिमपहिरोमा परी चार जनाको मृत्यु जसपाका केन्द्रदेखि नगरसम्मका नेताले गरे सामुहिक राजीनामा मांसाहारीबाट शाकाहारी बनेका यी हुन् बलिउड अभिनेता-अभिनेत्री नातिनीको स्याहार पाउने १०१ वर्षीय भाग्यमानी बाजे ! मधेशमा महिला हिंसा : घटनाकाे ग्राफ बढे पनि उजुरी बढेन भगवती मन्दिरमा चढाइयो ६ सय ६९ राँगाको बलि