पत्रकारको पेसागत सुरक्षामा प्रतिबद्ध छुः प्रधानमन्त्री

काठमाडौं । प्रधानमन्त्री शेरबहादुर देउवाले व्यवसायिक पत्रकारिताको रक्षा र पेसागत सुरक्षाका लागि सरकार प्रतिबद्ध रहेको बताएका छन ।मंगलबार बिहान नेपाल पत्रकार महासंघ नेपाल टेलिभिजन प्रतिष्ठान शाखा, नेपाल प्रेस यूनियन र नेपाल टेलिभिजन कर्मचारी संघका प्रतिनिधिहरुसँगको भेटमा प्रधानमन्त्री देउवाले सो कुरा बताएका हुन्। प्रधानमन्त्री तथा नेपाली कांग्रेस सभापति देउवाले नेपाली कांग्रेस सदैव प्रेस तथा अभिव्यक्ति स्वतन्त्रताको पक्षमा रहेको बताए।

सूचना तथा सञ्चार प्रविधि मन्त्री समेत रहेका प्रधानमन्त्री देउवाले नेपाल टेलिभिजनको समग्र हितमा सम्वध्द सवै पक्षसँग सुझाव लिएर सरकारले काम गर्ने पनि बताए।भेटमा नेपाल प्रेस युनियन एनटीभी च्याप्टरका अध्यक्ष दिपकजंग हमालले नेपाल टेलिभिजनको पछिल्लो बस्तुस्थितिको बारेमा जानकारी गराउदै संस्थानमा रिक्त रहेको अध्यक्ष पदमा योग्य र सक्षम व्यक्तिलाई नियुक्त गर्न प्रधानमन्त्रीको ध्यानाकर्षण गराए।त्यस वखत संस्थान र कर्मचारीहरुको हित अभिवृद्धिमा ध्यान दिन समेत प्रतिनिधि मण्डलले प्रधानमन्त्रीको ध्यानाकर्षण गराए ।