३ आश्विन २०७८, आईतवार

Sep 19, 2021

गुल्मी । जिल्लाबाट युकेको लण्डनमा पुगेर विभिन्न पेशा ब्यवसाय गर्दै आएका गुल्मेली युवाहरुले सर्जिकल मास्क सहयोग गरेका छन् । गुल्मी जिल्ला समाज युके संस्थामा आवद्ध युवाहरुले ३ लाख मास्क सहयोग पठाएका छन् । काठमाण्डौं स्थित गुल्मेली सहयोगी हातहरु नामक संस्था मार्फत पठाइएको उक्त मास्क जिल्ला प्रशासन कार्यालयमा हस्तान्तरण भएको छ । गुल्मी जिल्ला समाज युकेका संस्थापक अध्यक्ष ओमप्रसाद थापा काउचाका अनुसार ३ लाख २१ हजार सर्जिकल मास्क लण्डनबाटै पठाइएको हो । लण्डन स्थित होम इन्स्टेड कम्पनी लिमिटेड नामको कम्पनीमासंग समाजका सल्लाहकार गुल्मीका फत्त थापा मगरले समन्वय गरी सहयोग प्रदान गरिएको हो ।

Advertisement

नेपाल पठाउनका लागि समाजका अध्यक्ष टोपबहादुर पल्लीले सहयोग संकलन समिति गठन गरेका थिए । समितिका संयोजक महासचिव बिरबहादुर बलाल सल्लाहकार कोलेश्वर ढकाल, सह कोषाध्यक्ष तारा भट्टराई र सदस्य राधा खरेलले नेपाल ल्याउन सहजीकरण गरेका थिए । नेपाली दुतावास लण्डनले नेपालको अध्यागमन बिभागलाई पत्रचार गरि भन्सार छुट गराई दिएको थियो । उक्त सामग्री गुल्मेली सहयोगी हातहरु नामक संस्थाले गुल्मीका प्रमुख जिल्ला अधिकारी रुद्रादेवि शर्मालाई हस्तान्तरण गरेको छ ।

संस्थाका अध्यक्ष लिलामणि खरेल सविच विमल घिमिरे, कोषाध्यक्ष तथा पुर्वमन्त्री गोकर्णराज बिष्टका स्वकीय सचिव रमेशकुमार काउछा र सदस्य सुशिल भट्टराईले प्रमुख जिल्ला अधिकारी शर्मा, रेसुङ्गा नगरपालिकाका मेयर डिल्लीराज भुसाल लगायतको रोहवरमा हस्तान्तरण गरेका थिए । गत वर्ष पनि गुल्मी जिल्ला समाज युकेले ७ लाख ५० हजार मुल्य बराबरको कोभिड बिरुद्धको स्वास्थ्य सामग्री गुल्मी पठाएको थियो । जिल्लाको हरेक विपदमा सो संस्था प्रमुख सहयोगी बन्दै आएको छ । अपाङ्गता, असहाय र विपदमा परेका नागरिकहरुको उद्धार पनि गर्दै आएको छ ।

जिल्लाका १२ वटा पालिका मध्ये १० वटा गाउँपालिकालाई १०/१० कार्टुन अर्थात प्रति गाउँपालिका २५ हजारका दरले मास्क वितरण गरिएको छ । दुई वटा नगरपालिकालाई ३५ हजारका दरले मास्क वितरण गरिएको छ । गुल्मी अस्पताललाई ८ कार्टुनमा रहेको १७ हजार, पत्रकार महासंघलाई दुई कार्टुन, रेसुङ्गा बहुमुखी क्याम्पसको स्ववियुलाई १ कार्टुन र जिल्ला प्रशासनका कर्मचारी र सुरक्षा निकायलाई १७ काटुर्न सहित कुल १ सय ५२ कार्टुन मास्क बुझाइएको संस्थाले जनाएको छ ।

यसै बीच गुल्मेली सहयोगी हातहरु संस्थाले जिल्लाका १९ वटा विद्यालयका ३ हजार विद्यार्थीलाई १ करोड १७ लाख मुल्य बराबरको झोला वितरण गरेको छ । दोश्रो लहरको कोरोना महामारीमा अक्सिजनको अभाव भइरहेका बेलामा समेत संस्थाले ४५ वटा भरि अक्सिजन सिलिण्डर जिल्लामा पठाएको थियो ।

Follow Us

प्रतिकृया दिनुहोस्

Flash News

अष्ट्रेलियाको मेलबर्न शहरमा लकडाउन हटाइँदै तिलोत्तमाको राममणिमा अभिमुखीकरण नेकपा (मसाल) प्यूठानका संस्थापक गुरुङको निधन जबरजस्ती करणीको मुद्दा दर्ता गर्ने धम्कीसहित १८ लाख असुल्ने तीन महिला पक्राउ बुद्धभूमि नेपाल हाइड्रोपावरले सर्वसाधारणलाई शेयर जारी गर्ने पूजाको विषयलाई लिएर दुई पक्षबीच कुटाकुट हुँदा एकको मृत्यु ओमानविरुद्ध नेपालले टस जित्यो, बलिङ गर्ने बंगलादेशमा ५० लाख कोरोना विरुद्धको चिनियाँ खोप पुग्यो स्क्रब टाइफसका बिरामी बढ्दैः २५ जनामा सङ्क्रमण संविधानमा वातावरणीय चासो पर्यटकीयस्थल रौतासम्म जोड्ने ग्रामीण सडकको स्तरोन्नति सुरु खोटाङमा आठ जनामा डेङ्गु सङ्क्रमण पोखरा उडानले पर्यटन व्यवसायी उत्साहित भारतमा थप तीस हजार ७७३ नयाँ सङ्क्रमित अफगानिस्तानलाई सहयोग गर्न चीनको आग्रह सङ्क्रामक रोगको जोखिममा कैदीबन्दी सोलार मिनिग्रिड चलेसँगै थवाङ झिलिमिली जुम्लामा खाद्य कम्पनीको सुपथ पसल सञ्चालन इन्द्रजात्राको रौनक, स्वास्थ्य मापदण्ड पालनामा चुनौती छाडा गाईको बिजोक