२२ असार २०७९, बुधबार

Jul 6, 2022

गलकोट ।आन्तरिक राजस्व कार्यालय बागलुङले गत आर्थिक वर्षमा लक्ष्यभन्दा ५७ प्रतिशतभन्दा बढी राजस्व सङ्कलन गरेको छ। कार्यालयले गत आर्थिक वर्षमा रु ८६ करोड २० लाख छ हजार राजस्व सङ्कलन गर्ने लक्ष्य लिएकोमा सो अवधिमा रु एक अर्ब ३५ करोड ५५ लाख ६८ हजार राजस्व सङ्कलन गरेको छ ।

Advertisement

यो लक्ष्यको तुलनामा ५७ दशमलव २६ प्रतिशत बढी हो। सङ्कलित कूल राजस्वमध्ये आयकरतर्फ ४८ दशमलव ७७ प्रतिशत अर्थात् रु ७९ करोड सात लाख ९१, बहाल करतर्फ ११ दशमलव४७ प्रतिशत अर्थात् रु दुई करोड ५० लाख ७७ हजार, ब्याजकरतर्फ १७ दशमलव ३४ प्रतिशत अर्थात् रु नौ करोड ६७ लाख ५७ हजार, मूल्यअभिवृद्धि करतर्फ ९८ दशमलव ४ प्रतिशत अर्थात् रु ४१ करोड ७६ लाख ७८ हजार र अन्तःशुल्कतर्फ ९८ दशमलव ३५ प्रतिशतअर्थात् रु दुई करोड ४० लाख ९३ हजार सङ्कलन भएको आन्तरिक राजस्व कार्यालयका प्रमुख जनकराज शर्माले जानकारी दिए ।

उनका अनुसार रु २१ करोड ५४ लाख बक्यौता र राजस्व सम्भाव्यता क्षेत्रको अनुगमन तथा कर कानूनको प्रभावकारी कार्यान्वयन हुँदा लक्ष्यभन्दा बढी राजस्व सङ्कलन भएको छ। गत आर्थिक वर्षमा स्वास्थ्य सेवा करतर्फ रु एक लाख ८७ हजार र शिक्षा सेवा शुल्कतर्फ रु ८६ हजार सङ्कलन भएको कार्यालयले जनाएको छ ।

यस्तै, गत आवमा आन्तरिक राजस्व कार्यालय बागलुङले तीन हजार ४४० व्यावसायिक करदाता, चार हजार ९१२ व्यक्तिगत करदाता र ४२ जना अग्रिम कर कट्टी गरी जम्मा आठ हजार ३९४ करदाता थपिएका छन्। तीमध्ये २०१ जना मूल्य अभिवृद्धि करमा र १५० जना अन्तःशुल्कमा थपिएको कार्यालय प्रमुख शर्माको भनाइ छ। आयकरतर्फ रु १५ करोड ९१ लाख ३८ हजार, मूल्य अभिवृद्धि करतर्फ रु पाँच करोड ६२ लाख ८९ हजार गरी कूल रु २१ करोड ५४ लाख १५ हजार बक्यौता असुली भएको छ ।

कार्यालयले गत आवमा कूल ६३ करदाताको छानबिन, परीक्षण र अनुसन्धान गरी आयकरतर्फ रु दुई करोड ७६ लाख ५४ हजार तथा मूल्य अभिवृद्धि करतर्फ रु पाँच करोड ३५ लाख पाँच हजार थप कर निर्धारण गरिएको छ। यस्तै, १०२ करदाताको दु्रत छानबिनबाट रु ३५ लाख ७९ हजार कर असुल तथा १८२ करदाताको अनुगमनबाट रु तीन लाख पाँच हजार जरिवाना सङ्कलन गरिएको छ। उक्त अवधिमा सात हजार ३८ करतादाको विवरण अद्यावधिक तथा एक हजार १५३ करदाताको बायोमेट्रिक रजिष्ट्रेशन र १० वटा करदाता शिक्षा कार्यक्रम गरिएको कार्यालयले छ । रासस

प्रतिकृया दिनुहोस्

Flash News

भारत र कुवेतमा महिला बेचबिखन गर्ने कार्यमा संलग्न तीन जना पक्राउ प्रदेश र प्रतिनिधिसभाको निर्वाचन गर्न १० अर्ब खर्च हुने मंसिर २ मा एकै चरणमा प्रदेश र प्रतिनिधिसभाका निर्वाचन गर्न सिफारिस भात पकाउन नेपालीले वर्षेनी किन्छन् ५१ करोडभन्दा बढीको राइस कुकर मैले सीसीटिभीको फुटेज डिलिट गरेको छैन, यसको ज्ञान पनि छैन : शर्मा अर्थमन्त्री शर्माले दिए राजीनामा अर्थमन्त्री शर्माको भाषण एमालेद्वारा बहिस्कार बस दुर्घटना, पाँच जना घाइते अर्थमन्त्री शर्माले राजीनामा नदिएसम्म उनको कुरा सुन्दैनौं : भट्टराई यु-२० टिममा स्थान बनाउन डेनमार्कदेखि काठमाडौंसम्मकाे यात्रा अर्थमन्त्रीमाथि छानबिन गर्न ११ सदस्यीय संसदीय समिति गठन जोनसनलाई एकपछि अर्को झट्का, थप दुई मन्त्रीले दिए राजीनामा ४४ वर्षअघि लेखिएको मेसेज फेला परेपछि… असार २६ गते सार्वजनिक विदा चौधरी ग्रुपको स्पष्टीकरणः बजेट निमार्णमा हाम्रो कुनै संलग्नता छैन, छानबिन होस् वीरगञ्ज महानगरले घटायो सम्पत्ति करको दर माओवादी केन्द्रीय समिति बैठक स्थगित सर्वोच्चका दुई महत्वपूर्ण फैसला : वर्षौंदेखिको प्रसारण लाइन निर्माणको अवरोध हट्यो खेर गएको प्लास्टिकबाटै यसरी उत्पादन हुन्छ इन्धन अर्घाखाँचीको सिद्धाराकाे गाउँमा पहिलाेपटक बिजुली पुगेपछि…