बुटवल । रुपन्देहीमा पछिल्लो २४ घण्टामा कोरोना संक्रमित केही दिन यताको तुलनामा घटेका छन् । १ सय देखि २ सयसम्म दैनिक परीक्षणमा ४० देखि ५० दैनिक संक्रमित थपिएपनि आज भने ९ जना मात्रै संक्रमित थपिएका हुन्। पछिल्लो २४ घण्टाको अवधिमा १३१ जनाको कोरोना परीक्षण गरिएको थियो । पछिल्लो २४ घण्टामा ४४ जना संक्रमणमुक्त भएका छन् ।
स्वास्थ्य कार्यालय रुपन्देहीका अनुसार पछिल्लो २४ घण्टामा तिलोत्तामा नगरपालिकमा ५, बुटवल उपमहानगरपालिकामा २, देवदह नगरपालिका र सुद्धोधन गाउँपालिकामा १/१ जना संक्रमित थपिएका हुन्। पछिल्लोे २४ घण्टामा कोरोनाबाट कसैको पनि मृत्यु भएको छैन ।
जिल्लामा कोरोनाबाट मृत्यु हुनेको ५०४ पुगेको स्वास्थ्य कार्यालय रुपन्देहीले जनाएको छ । जिल्लामा हाल कोरोनाका संक्रिय संक्रमितको संख्या ३३८ रहेको छन्।
प्रतिक्रिया