छाता ओढेर जोर-बिजोर जाँच्दै प्रहरी (फोटो फिचर)

बुटवल । रूपन्देही सहित देशभर वर्षा भइरहेको छ । वर्षाको समयमा पनि सडकमा हिड्ने सवारीको चाप कम भएको देखिदैन । निषेधाज्ञामा घरमै बसेका जनता जिल्ला प्रशासन कार्यालय रूपन्देहीले निषेधाज्ञा केही खुकुलो बनाए सँगै बजार चहलपहल बनाउन हिँडिरहेका छन् । 

बिहीबार पनि बिहानैदेखि नै बुटवल क्षेत्रमा वर्षा भइरहेको भएपनि नेपाल प्रहरी र ट्राफिक प्रहरीले जोरबिजोर हेर्दै रोकिरहेको छ । बुटवलको राजमार्ग चौराहामा पानी परेको समयमा पनि छाता ओडेर होस् या त आकाशे पुलको तल बसेर जोरबिजोर जाँच गरिरहेको छ । 

कार्यालयले निषेधाज्ञालाई खुकुलो बनाउन भन्दै जोर गते जोर नम्बर र बिजोर गते बिजोर नम्बरका गाडीहरू चल्न दिने भनेपनि निजी सवारीहरू जोरबिजोरको पालना नगरी हिँडिरहेका हुन् । मुख्य चोक – चोकमा जोर बिजोर जाँच्ने थाहा पाएपछि सवारीचालकहरूले भित्री सडकहरू प्रयोग गरिरहेका छन् । 

तस्वीरमा बुटवलको राजमार्ग चौराहामा बिहान १० बजेको समयमा प्रहरीले जोर बिजोर लागू गराउन भन्दै रोकेका सवारीहरू हुन् ।