६ जेष्ठ २०७९, शुक्रबार

May 20, 2022

भैरहवा । गत बर्षहरुमा रुपन्देही लगायत यस आसपास रसायनिक मलको चरम अभाव हुने गरे पनि यस बर्ष अवश्था फरक छ । गत बर्षको जस्तो मलकै लागी लामो लाईन अहिले छैन भने पहिला जस्तै अभाव यस पटक कृषकले ब्यहोर्नु पर्ने अवश्था छैन । प्रयाप्त मल रहेको कारण कृषकहरुले सहज रुपमै मल पाईरहेको कृषि सामाग्री कम्पनीको भनाई छ ।

Advertisement

धानखेतीका लागि यस क्षेत्रमा करिब ३० हजार मेट्रीकटन डिएपी मलको आवश्यकता पर्छ । अहिले करिब करिब प्राय सबै किसानहरुले डिएपी मल लगि सकेका छन भने अझै पनि गोदाममा यसको प्रयाप्त मौजदात रहेको छ । कृषि सामाग्री कम्पनी लिमिटेडको प्रादेशिक कार्यालय लुम्बिनीका सूचना अधिकृत गणेश प्रसाद घिमिरेले हाल भैरहवा स्थित गोदाममा ४ हजार ७ सय १७ मेट्रिक टन युरिया, ६ हजार ६ सय ५६ मेट्रिक टन डिएपी र ७ सय २० मेट्रिक टन पोटास मौज्दात रहेका छन् । यस अतिरिक्त थप २ हजार ५ सय मेट्रिक टन अनलोड हुने प्रक्रियामा रहेको छ । बांग्लादेशबाट आयात गरिएको थप मल पनि आउने क्रममा रहेको घिमिरेले जनाए । अबको २/४ दिनमै थप २ हजार ५ सय मेट्रिक टन र त्यसपछि फेरी सोही परिमाणको युरिया मल आउने क्रममा रहेको उनको भनाई छ ।

यस बर्ष समयमै पानी पनि परेको र समयमै मल पाईएको कारण यहाका किसान पनि सन्तुष्ट देखिएका छन् । समयमै र सहज तरिकाले डिएपी मल पाएका किसानले समयमै रोपाई समेत सुरु गरेका छन् । समयमै पानी, बिउविजन, मल नपाए खेत बाझै राख्ने किसान अहिले धमाधम रोपाईमा लागेको देखिन्छन् । भैरहवामा प्रादेशिक कार्यालय रहे पनि कृषि सामाग्री कम्पनीले लुम्बिनी प्रदेश बाहेक कर्णाली, सुदुरपश्चिम र गण्डकी प्रदेशको कावासोती र स्याङजामा पनि मलको आपूर्ति गर्ने गरेको छ । अहिले त्यहा पनि माग जतिको स्टक रहेको र थप मलको लागी माग भै आए जुनसुकै समयमा आपूर्ति गर्न सकिने कम्पनीको दावी रहको छ ।

सूचना अधिकारी घिमिेरेले दिएको जानकारी अनुसार प्रादेशिक कार्यालय भैरहवाबाट जेठ सम्म ७ हजार १ सय ७६ मेट्रिक टन युरिया, १ हजार ६ सय ८८ मेट्रिक टन युरिया डिएपी र १ सय ६३ मेट्रिक टन युरिया पोटास बिक्रिी भएको छ । यस्तै अहिले कावासोतीमा १ सय ६८ मेट्रिक टन युरिया र १३२ मेट्रिक टन डिएपी, परासीमा ७ सय ७३ मेट्रिक टन युरिया, तौलिहवामा ४ सय ३६ मेट्रिक टन युरिया, बहादुर गञ्जमा २ सय ४२ मेट्रिक टन युरिया, पाल्पामा ४ सय १४ मेट्रिक टन युरिया मौज्दातमा रहेका छन् ।

यस्तै स्याङजामा ४ सय ४९ मेट्रिक टन युरिया र ६० मेट्रिक टन डिएपी, लमहीमा ९६ मेट्रिक टन युरिया, घोराहीमा ४ सय १५ मेट्रिक टन युरिया र २ सय ९७मेट्रिक टन डिएपी, तुलसीपुरमा ४ सय ७६ मेट्रिक टन युरिया र ३ सय ४७ मेट्रिक टन डिएपी, नेपालगञ्जमा १ हजार २३ मेट्रिक टन युरिया, गुलरियामा ५ सय २० मेट्रिक टन युरिया, ३ यि ८५ मेट्रिक टन डिएपी र २१ टन पोटास, धनगढीमा १ हजार ७ सय ७४ मेट्रिक टन युरिया र ७१ मेट्रिक टन डिएपी, महेन्द्रनगरमा २ सय ६ मेट्रिक टन युरिया र ३ सय ५० मेट्रिक टन डिएपी तथा सुर्खेतमा १ सय ८४ मेट्रिक टन युरिया र ४६ मेट्रिक टन डिएपी मौज्दातमा रहेको घिमिरेले जानकारी दिए ।

गत बर्ष डिएपी मलको अभाव हुदा त्यसका फाईदा अहिले यस बर्षमा सरेको छ । गत बर्ष मगाएको मल नआउदा र मलको लागी छुट्टयाईएको बजेटबाट अहिले मल सहज भएको कृषि सामाग्री कम्पनी लिमिटेडका सहायक प्रवन्धक समेत रहेका घिमिरेको भनाई छ ।

प्रतिकृया दिनुहोस्

Flash News

घर फर्किए म्यादी प्रहरी उत्तर कोरियामा ‘ज्वरो’बाट २२ लाख प्रभावित मदन भण्डारी स्मृति यु–१४ लिटिल स्टार क्रिकेटको उपाधि बुटवल टाइगर्सलाई गठबन्धनलाई भारी मतले पछि पार्दै कलैया उपमहानगरमा एमाले विजयी तिलोत्तमामा गठबन्धनका खाँणलाई पछि पार्दै चापागाईं, उपप्रमुख चौधरीको फराकिलो मतान्तर कायम स्वस्थ जीवन जिउन उचित आहारमा ध्यान दिऔँ : लुम्बिनी प्रदेश प्रमुख शेरचन रुपन्देहीका ८ पालिकाका निर्वाचित जनप्रतिनिधिले लिए शपथ सैनामैनाका जनतालाई पूर्व मेयर कार्कीको प्रतिबद्धता-‘जनसेवामा जुट्न कुनै कुराले बाधा पुर्याउने छैन’ सैनामैना प्रमुखमा गठबन्धनका शर्मा, उप-प्रमुखमा एमालेकी राना रुपन्देहीको गैडहवा प्रमुख र उपप्रमुखमा एमाले विजयी लिटिल बर्ड्समा पुरस्कार वितरण तथा सांस्कृतिक कार्यक्रम एसिया कप छनोट: किरण पनि टिमबाहिर, चार खेलाडीलाई अवसर सम्मरीमाईमा अध्यक्ष र उपाध्यक्षमा कांग्रेस विजयी रुपन्देहीको मर्चवारी अध्यक्षमा कांग्रेस परित्याग गरेका बरई विजयी तिलोत्तमामा खाँण भन्दा चापागाईं १८६ मतले अगाडि ६५० पालिकामा नतिजा आयो, कांग्रेसलाई २९२ पालिका पाल्हीनन्दन गाउँपालिकामा पुनःमाओवादीका बैजुप्रसाद गुप्ता शपथ ग्रहणपछि सिद्धार्थनगरका मेयरकाे घाेषणा- आफूले पाएकाे मत बराबर वृक्षारोपण गर्छु भरतपुर महानगर अपडेट : रेनुलाई ३ हजार बढी मतान्तर, पछ्याउँदै सुवेदी छुट्टाछुट्टै सवारी दुर्घटनामा चार जनाको मृत्यु