विश्कप छनोट : नेपाल जोर्डनसँग ३–० ले पराजित, विश्वकप छनोटबाट बाहिरियो

बुटवल । फिफा विश्वकप तथा एसिया कपको छनोट फुटबलमा नेपाल जोर्डनसँग ३–० ले पराजित भएको छ । कुवेतको ‘जबर अल–अहमद अन्तराष्ट्रिय रंगशालामा सोमबार राति सम्पन्न खेलमा जोर्डनले २३ औं मिनेटमा पहिलो गोल गर्यो । जोर्डनले पेनाल्टीमार्फत नेपालविरुद्ध पहिलो गोल गरेको हो ।

पहिलो हाफमा १–० को पछाडि रहेको नेपालले दोस्रो हाफमा थप दुई खोल खायो । जोर्डनले खेलको ४८ औं र ६७ औं मिनेटमा गोल गरेको हो ।२३ औं मिनेटमा जोर्डनका खेलाडी बाहा फैसलले पेनाल्टीमार्फत गोल गरेका हुन् भने ४८ औं मिनेटमा पनि उनैले गोल गरे । यस्तै ऐजान अल अरबले ६७ औं गोल गरे । यससँगै नेपालकाे विश्वकप खेल्ने सपना पनि सकिएको छ ।

नेपाल फिफा वरियतामा १७१ औं स्थानमा रहेको देश हो भने जोर्डन ९५ औं स्थानमा रहेको छ।