रुपन्देहीमा कोरोना संक्रमण र मृत्युदर निरन्तर घट्दै

भैरहवा । रुपन्देहीमा आरटिपिसिआरको परिमाण घट्दै जादा यहाँको संक्रमण दर र मृत्यु दर पनि घट्दै गईरहेको छ । पछिल्लो ४ दिनदेखि रुपन्देहीमा संक्रमित र यसबाट हुने मृत्यु दरमा कमि आएको हो । स्वास्थ्य कार्यालय रुपन्देहीले दैनिक रुपमा कोभिड संक्रमण र यसबाट हुने मृत्युबारे अद्यावधिक जानकारी दिई रहेको छ । कार्यालयले दिएको जानकारी अनुसार पछिल्लो ४ दिनदेखि जिल्लामा कोभिड संक्रमितको संख्या र यसबाट मृत्यु हुनेको संख्या पनि घट्दै गई रहेको हो ।

स्वास्थ्य कार्यालयले जेठ २ गते सार्वजनिक गरेको तथ्यांक अनुसार पछिल्लो २४ घण्टामा रुपन्देहीमा ६ सय ८ जनाको आरटिपिसिआर चेक गर्दा ३ सय ९४ जनामा कोभिड संक्रमण पाईएको जनाएको छ । यो भनेको चेक गरेका मध्ये संक्रमितको संख्या करिब ६५ प्रतिशत हो । यस्तै जिल्लामा पछिल्लो २४ घण्टा भित्र ६ जनाको मृत्यु भएको छ । यस संगै रुपन्देहीमा कोभिडका कारण मृत्यु हुनेको संख्या ३ सय ५१ र सक्रिय संक्रमितको संख्या घटेर ६ हजार ९ सय १४ जना पुगेको छ ।

संक्रमित मध्ये सबै भन्दा बढी बुटवल उपमहानगर पालिकामा ७८ जना महिला र ८८ जना पुरुष गरि १ सय ६६ जना संक्रमित देखिएका छन् । तिलोत्तमा नगरपालिकामा ३७ जना महिला र ४९ जना पुरुष गरि ८६ जना रहेका छन्, सिद्धार्थनगर नगर पालिकामा १५ महिला र २६ पुरुष गरि ४१ जना, सियारी गाउँपालिकामा ४ जना महिला र २ जना पुरुष गरि ६ जना, देवदह नगरपालिकामा १२ जना महिला र ९ जना पुरुष गरि २१ जना रहेका छन् । यस्तै सैनामैना नगरपालिकामा १२ महिला र २० पुरुष गरि ३२ जना संक्रमित भएका छन् । ओमसतिया गाउँपालिकामा १० जना पुरुष, कन्चन गाउँपालिकामा ६ महिला र ६ पुरुष गरि १२ जना संक्रमित भेटिएको स्वास्थ्य कार्यालयको तथ्यांकमा उल्लेख छ । यसै गरि मायादेवी गाउँपालिकामा २ जना महिला र ३ जना पुरुष गरि ५ जना, लुम्बिनी सांस्कृतिक नगरपालिकामा १ महिला र ३ जना पुरुष गरि ४ जना, शुद्धोधन गाउँपालिकामा १ जना महिला र गैडहवा गाउँपालिकामा २ जना महिला र १ जना पुरुष गरि ३ जना, रोहिणी गाउँपालिकामा ४ महिला र ४ जना पुरुष गरि ८ जना र कोटहीमाई गाउँपालिकामा २ जना पुरुषसंक्रमित रहेका छन् ।जिल्लाको मर्चवारी गाउँपालिका र सम्मरीमाई गाउँपालिका रसंक्रमितको संख्या शून्य देखिएको छ ।

रुपन्देहीमा संक्रमणमा परि मृत्यु हुनेको संख्या १ प्रतिशतमा पुगेको छ । हिजो सम्म २ प्रतिशत मात्र रहेको मृत्यु दर आज १ प्रतिशतमा पुगेको स्वास्थय कार्यालयको दावी छ । अहिले जिल्लामा ३१ प्रतिशत सक्रिय संक्रमित र ६८ प्रतिशत निको भएको स्वास्थ्य कार्यालयले तथ्यांक सार्वजनिक गरेको छ । जिल्लामा अहिले सक्रिय संक्रमित मध्ये ३ सय ३० जना लक्षण सहितका संक्रमित रहेको र उनिहरुको बिभिन्न पालिकामा रहेको आईसोलेसन सेन्टरमा उपचार भई रहेको छ । यस्तै अन्य ६ हजार ५ सय ८४ जना होम आईसोलेसनमा बसी रहेका छन् ।

रुपन्देहीमा थपिए ४८६ संक्रमित, बुटवलमा २०८ जनामा संक्रमण