नवलपरासी । पश्चिम नवलपरासीमा आइतबार एकैदिन एक सय एक जनामा कोरोना संक्रमण पुष्टि भएको छ । जिल्लामा पिसिआर परिक्षणबाट ७४ र ऐन्टिजेन परिक्षणबाट २७ जनामा संक्रमण पुष्टि भएको स्वास्थ्य कार्यालय पश्चिम नवलपरासीले जनाएको छ ।
आइतबार थपिएकासँगै जिल्लामा कोरोना संक्रमितको संङ्ख्या १९ सय १८ पुगेको छ । अब जिल्ला भित्र ४ सय २९ जना सक्रिय सक्रमित रहेका छन् । जिल्लाबाट स्वाव संकलनगरि पठाएको मध्य अझै ७० जनाको पिसिआर रिपोर्ट आउँन बाँकि रहेको स्वास्थ्य कार्यालयले जनाएको छ । हालसम्म पश्चिम नवलपरासीमा ४७ जना कोरोना संक्रमितको मृत्यु भएको छ ।
प्रतिक्रिया